雅虎香港新聞 環球趣聞｜西非世界遺產「古都遺蹟」 11年無落過雨面臨毀滅危機？
世界各地有唔少古都遺蹟，不過非洲一直比較少，始終因為天氣、文化、教育等影響，十分難以發現遺蹟而加以保育。所以呢個位於西非北部茅利塔尼亞嘅遺蹟「欣蓋提」（Chinguetti）可以話極之珍貴！欣蓋提千多年前為非常繁榮嘅重鎮，因為係一眾商隊必經之地，加上遺蹟完整高，早已成為聯合國世界遺產之一。不過西非天氣近十年都出現重大轉變，沙漠化越加嚴重，欣蓋提已經超過11年未曾落過一滴雨，當地文物組織警告如果情況持續，好大機會遺蹟最後會瓦解毀滅。
沙漠化主要原因係雨林面積不斷縮細，好大程度係人為因素影響，原本附近住有1萬多人，但近年已經只剩5千多人，10年間少咗一半，因為好多年輕人都頂唔順當地沙漠化而外出工作生活，情況持續的話整個城鎮都好快消失。為咗控制沙漠化，非洲撒哈拉沙漠附近共11個國家早於2007年開始計劃要於30年內建造面積達8千多平方公里嘅樹林，希望形成綠色屏障阻止沙漠擴張，但始終基於經濟原因目前只完成咗20%，成效極差呢。
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
相關文章：
