環球趣聞|斐濟推出中國紀念鈔 外型太似「冥鈔」鬧出笑話?

大平洋島國斐濟於8月8日推出一款「中國紀念鈔」,將財神印於鈔票上。
(圖:斐濟儲備銀行)
大平洋島國斐濟於8月8日推出一款「中國紀念鈔」,將財神印於鈔票上。 (圖:斐濟儲備銀行)

農曆7月14就剛剛過咗,大家如果喺街頭見到有人化寶燒衣都見怪不怪,近日有單新聞就非常有趣,話說大平洋島國斐濟於8月8日推出一款「中國紀念鈔」,將財神印於鈔票上,背景用上橙色,外國人可能無咩感覺,但幾乎所有華人見到都講句「大吉利事」,因為好似冥鈔呢!

紀念鈔只用作收藏用途唔會用作市場流通,每張面值88元。
(圖:斐濟儲備銀行)
紀念鈔只用作收藏用途唔會用作市場流通,每張面值88元。 (圖:斐濟儲備銀行)

由斐濟儲備銀行推出嘅紀念鈔只用作收藏用途唔會用作市場流通,每張面值88元,銀行表示推出紀念鈔為咗「面向華裔及更廣泛的亞裔市場」,印上財神拎住「恭喜發財」條幅,旁邊寫上「招財進寶」嘅硬幣圖案,另一面就繪上斐濟國徽、扶桑花及銀行行長簽名。不過普遍網民就唔多喜歡,認為太似冥鈔,而且「紀念鈔」並無特定指明紀念用途,實屬非常奇怪,後來網民發現負責設計呢款紀念鈔嘅係英國公司,竟然唔係華人公司,難怪鬧出呢個大笑話。

不過都有部分於斐濟居住嘅華人話會支持,認為斐濟華人社會充滿活力、多元化,紀念鈔係對當地華人社會嘅尊重,所以都會去購買。大家又點睇?

銀行表示推出紀念鈔為咗「面向華裔及更廣泛的亞裔市場」。
(圖:fijiinpic@twitter)
銀行表示推出紀念鈔為咗「面向華裔及更廣泛的亞裔市場」。 (圖:fijiinpic@twitter)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

旅遊趣聞|帶麥當勞早餐入境澳洲 旅客竟被重罰$15,000?

環球趣聞|疫後航空界勁缺人 英國機場竟出現「行李山」?

環球趣聞|沙特阿拉伯花逾4萬億興建「一幢大樓」 等同23個香港 可容納900萬人!