《一路向西》拍續集 素海霖親揀片中男友 網友妙問︰個樣可唔可以打格仔

素海霖（繪麗奈）由youtuber轉型成為首位港產日本AV女優後工作不斷，佢將於今年3月開拍嘅港片《一路向西2東京AV攻略》演出，仲會同三上悠亞、波多野結衣、相澤南、村上悠華幾位AV女優合演。而上一集《向西》嘅男主角張建聲就繼續有份。

電影公司日前宣布會為電影5個角色進行招募，當中有2位係男主角，講明需要裸露，分別係可愛內斂嘅Henry同埋風趣幽默衝動仔睿少，而Henry一角係片中素海霖男友。另外電影仲徵求2位睇落似廿幾歲嘅女配角，分別係要求身材有返咁上下嘅子慧；同埋青春可人嘅Kiki，2位女角都唔使裸露。最爆就係招募男配角「爺爺」，年齡要有75－85歲，角色設定係老婆奴，而且有少量裸露！

今次選角除咗有導演鄭峰嵐助陣之外，素海霖都會親自「揀男友」。片中素海霖同Henry有唔少對手戲，佢回應網媒時話唔會單純睇樣，會留意參加者氹唔氹到佢開心同談吐表現。素海霖仲提供貼士，話「眼鏡男」有分加。

有得做素海霖男友，唔少巴打都覺得筍，但因為招募寫明角色需要睇落似幾多歲，有網民就話「你有冇諗過32至75歲嘅男士感受？」。最好笑係有人問「可唔可以打格仔？」，於是素海霖回應問「打邊度先？」，對方竟然答「打個樣，其他唔使打」，真係睇出重點。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！