《大步走》蔣志光英文流利 靠讀夜校睇英文書惡補

以跑步作主題、充滿正能量嘅無綫劇《大步走》正在熱播，劇中飾演Belle（劉穎鏇飾）繼父兼運動用品品牌Sports Kingdom老闆郭皇普嘅蔣志光，為老婆將生意由美國轉移香港，佢講嘢不時夾雜中英口音。其實蔣志光喺《白色強人》中都曾經講出流利英文對白，劇中講蔣志光飾演醫生余湛琛，係懷疑一名外藉年青病人曾吸食毒品，而引致病人爸爸不滿，當面對他質疑，蔣志光用流利英文對白解釋，成功講服外國人。蔣志光流利英文，睇得出佢為對白下咗唔少苦功，引嚟唔少觀眾讚賞。

現實生活中蔣志光喺長洲出世，記憶力好好不過數學欠佳，所以小學畢業就輟學，跟隨爸爸學做裁縫，亦做過打蠟及工廠工人等。後來蔣志光報讀夜校，進修英語能力，希望進修後有機會去做電影工作，最後佢成功係夜校完成中五課程。後來入咗行做電影幕後，更試過擔任副導演，期間佢所睇嘅電影書籍大部份都係英文書，因此英文能力亦有所提升。其後佢更因為把聲似林子祥而成為歌手。之後，蔣志光就加入無綫拍劇，多年嚟都有唔少經典角色，例如《壹號皇庭》系列嘅周少聰、《男親女愛》James、《棟篤神探》史高拔、《老表，你好hea！》高音及《降魔的》莫有為等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！