《我家無難事》被指劇情悶又老土 馬德鐘父子檔上陣樣子惹熱討

·4 分鐘文章
馬德鐘&馬在驤
馬德鐘&馬在驤

無綫新劇《我家無難事》喺前日(13日)首播,劇集以家庭溫情作為題材,講述資深花紐導師羅美蘭(鮑起靜飾)獨力湊大三名子女及一名外孫,不過佢70歲生日之際,郭家嘅難事越來越多,例如大仔得勤(馬德鐘飾)與菲菲(唐詩詠飾)離婚,而佢就不辭勞苦與家人面對困難,堅持郭家精神:「一定有路行!」,一家人互相扶持。劇集今晚就播出第三集,想知網民們睇完《我家無難事》有咩感受,快啲轆落去睇下啦!

劇情悶又老土
頭兩集劇情主要講到美蘭嘅仔女郭得勤、郭得寶(車婉婉飾)與郭得明(楊明飾)已經有各自嘅生活,不過就分別遇上難事,美蘭就打算安排資產幫助仔女。雖然係家庭溫馨小品劇,不過劇情就被嫌悶同老土,好似美蘭入院被仔女誤以為去世及美蘭誤會得明與馮耀山(黃嘉樂飾)發展hehe戀情等等,網民紛紛留言話「明晚不看了 套劇我呀媽都嫌old school」、「以為會幾好睇, 點知好似好悶咁.」、「套劇好鬼悶」、「d 劇情老土到」及「悶到嘔」等等。

《我家無難事》截圖
《我家無難事》截圖

演員平均年齡大兼唔吸引
《我家無難事》搵嚟「影后」鮑起靜、「視帝」馬德鐘、楊明、車婉婉、「視后」唐詩詠、關禮傑、王君馨及胡斐等人主演,陣容相當亮眼,不過網民就認為主角年紀太大兼唔吸引,留言話:「呢套劇演員都吸引唔到我」、「主角平均 50歲 鮑起靜 72 馬德鐘 53 楊明 40 車婉婉 46 唐詩詠 40 關禮傑 59 王君馨 35」及「主角不吸引劇情不吸引難怪都很少人討論這劇都是不看算了」等等。

鮑起靜演技出色
「影后」鮑起靜演技毋庸置疑,今次鮑姐有別過往嚴肅形象,飾演一位風趣幽默的慈母,唔少網民都感到耳目一新,仲話鮑姐演技出色,紛紛留言大讚佢,包括「鮑起靜的演技有機會爭視后」、「老戲骨真係老戲骨,點解可以咁自然。」、「純粹睇鮑姐」、「鮑姐好爽。最搶鏡!」及「鮑姐做戲好睇」等等。

《我家無難事》截圖
《我家無難事》截圖

馬德鐘/馬在驤樣子惹熱討
「馬神」馬德鐘及囝囝馬在驤首次父子檔上陣,馬在驤客串飾演馬德鐘年輕版,雖然佢哋冇同框嘅戲份,不過亦成為劇集最大嘅賣點,令觀眾相當期待。劇集出街後,網民主要討論嘅唔係佢哋嘅演技,而係關注佢哋嘅外貌。一向被指高大有型嘅馬德鐘,被網民指佢樣子及妝容奇怪,例如「膠面馬好惡頂」、「馬神個樣好恐佈」、「馬神條眉畫到咁肉酸,邊個化妝師咁害佢。」、「馬德鐘個樣怪怪哋真係唔識欣賞」、「好恐怖,蠟像馬德鐘。」、「馬德鐘唔好再扮後生,膠面樣成個60阿伯咁。」及「剛剛看第一集、覺得馬德鐘雙眼怪怪的」等等。而現年23歲嘅馬在驤就被網民指佢樣子老成,甚至比爸爸馬德鐘還要老,「馬神個仔先系真馬神, 成隻馬咁.」、「馬神個仔樣子怪怪地」、「你話佢43歲我都信」、「睇落仲老過佢老豆」、「吾(唔)掂吖...太老成同有d邪惡」及「個樣好老成下」等等。

《我家無難事》截圖
《我家無難事》截圖
《我家無難事》截圖
《我家無難事》截圖

傅嘉莉 / 簡淑兒好吸睛
傅嘉莉喺劇中飾演嘅太子女Erica,與郭得勤合作經營時裝生意,佢每一次出場都非常養眼,成功吸引網民注意,仲留言大讚佢「傅嘉莉樣靚身材正」、「有睇頭」及「傅嘉莉真係好正」等等。而簡淑兒就喺劇中飾演車婉婉嘅年輕版,仲以校服造型登場,雖然簡淑兒已經32歲,不過著起校服都唔太有違和感,更被網民話佢扮中學生幾得,不老傳說。

《我家無難事》截圖
《我家無難事》截圖
《我家無難事》截圖
《我家無難事》截圖
《我家無難事》截圖
《我家無難事》截圖
《我家無難事》截圖
《我家無難事》截圖
《我家無難事》截圖
《我家無難事》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能