《新城勁爆頒獎禮2022》入場觀眾獲派米好騎呢 睇直播要$398網民勁不滿

《新城勁爆頒獎禮2022》
《新城勁爆頒獎禮2022》

樂壇首張成績表《新城勁爆頒獎禮2022》喺噚晚(9日)圓滿結束,不過今年不設電視台轉播,如果觀眾想睇直播嘅話就要付$398購買新城會籍金會員,咁樣就可以獲得網上直播門票一張。如果唔係嘅話就只可以收聽FM99.7 新城知訊台,呢個做法令到唔少網民不滿。

《新城勁爆頒獎禮2022》只有新城會籍金會員,先可以獲得網上直播門票一張收睇直播,而其他人就只可以收聽FM99.7 新城知訊台,呢個有聲無畫嘅做法令到一眾網民不滿,紛紛留言鬧爆「直播都無 真係搵鬼睇」、「新城邊到黎既自信叫人課金睇直播」、「真係抵呢個台淪落 本身已經低認受性,而家咩年代,仲要淨係得聲音免費聽??」、「本身已經冇咩人會討論依家仲要連網上免費直播都冇..」、「好似返去十幾年前咁….得聲冇畫」、「一直以嚟都係最廢最垃圾既頒獎禮收人400蚊」、「冇畫面睇真係好痴線」及「無畫面真係幾難頂」等等。

呢個有聲無畫嘅做法喺首輪環節就出事,新城安排多位樂壇新人唱出過去其他歌手嘅派台作品,不過喺冇畫面嘅情況底下,網民都唔知邊個唱緊歌,聽到佢哋一頭霧水。不過有得睇直播嘅觀眾都唔係好得好多,因為直播時冇出字幕介紹歌手名稱,所以都係唔知邊位樂壇新人唱緊歌。

新城安排多位樂壇新人打頭陣,唱出過去其他歌手嘅派台作品,不過可能呢班新人有啲緊張嘅關係,好多都唱得麻麻地,嚇親唔少網民:「狂人邊個唱 嚇親」、「好難聽 依家邊個唱緊」、「走哂音嘅狂人」、「D新人唱到咁難聽」、「個個都唱到走音咁」及「究竟係邊個打邊個」等等。喺呢個環節,網民淨係聽得出壓軸出場嘅林家謙,佢唱出自己嘅作品,獲網民大讚表現出色。

另外,所有入場嘅觀眾喺入場前會獲發一袋禮品包,而禮品包入面有1公斤嘅香米、贈券及Wasabi一支,去頒獎典禮竟然有禮品包,令唔少入場觀眾及網民驚訝:「頒獎禮派米究竟係咩玩法?」、「送米?好似啲聖誕聯歡會地獄禮物咁 大佬啊,玩野咩 重死人」及「見到包米⋯⋯新城孟蘭盛會頒獎禮。」等等。

《新城勁爆頒獎禮2022》不設電視台轉播,新城會籍金會員可獲得網上直播門票一張
《新城勁爆頒獎禮2022》不設電視台轉播,新城會籍金會員可獲得網上直播門票一張
《新城勁爆頒獎禮2022》
《新城勁爆頒獎禮2022》
《新城勁爆頒獎禮2022》
《新城勁爆頒獎禮2022》
《新城勁爆頒獎禮2022》
《新城勁爆頒獎禮2022》
《新城勁爆頒獎禮2022》
《新城勁爆頒獎禮2022》
《新城勁爆頒獎禮2022》
《新城勁爆頒獎禮2022》
《新城勁爆頒獎禮2022》
《新城勁爆頒獎禮2022》
《新城勁爆頒獎禮2022》
《新城勁爆頒獎禮2022》

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!