《膠戰S2》昨晚首播 製作團隊親揭選「6膠」Edan/Jeffrey/Hillary等主持原因

·2 分鐘文章
肥腸、Hillary、岑珈其、Edan、Jeffrey和阿正
肥腸、Hillary、岑珈其、Edan、Jeffrey和阿正

由Edan(呂爵安)、岑珈其、Jeffrey(魏浚笙)、Hillary(劉沛蘅)、阿正(黃正宜)和肥腸(徐浩昌)主持嘅ViuTV綜藝節目《膠戰》好評如潮,今年初推出特別篇《膠戰新春SP》而第二季《膠戰S2》亦已經喺噚晚(10日)首播。日前ViuTV嘅《今世做電視》系列邀請《膠戰》製作團隊,期間講到選擇「6膠」主持嘅原因、主持如何得出個人性格等等。

片段約長12分鐘,一開頭編審文靜就指《膠戰》最初構思係大家冇得出埠,所以就想做啲嘢令大家可以圍住睇,冇壓力之餘又睇得開心。之後監製阿宏及文靜就一齊講選擇主持嘅原因,仲話Edan同岑珈其係最開頭嘅人選,之後佢哋認為要有肥仔,所以就搵肥腸加入,組成喜感鐵三角。喺呢個時候,文靜就爆料話監製要求有女主持加入,仲話Hillary係監製自己揀。阿宏其後就話阿正加入令大家睇得好開心。至於Jeffrey,原來佢係最後一個加入,因為佢哋當時覺得一定要有一個靚仔,不過呢個靚仔一定要膠,而Jeffrey喺試鏡時就被覺得佢好膠、有天然呆嘅感覺、試玩無聊遊戲時好有勝負欲同好認真。

之後,二人再大讚主持們為節目花咗唔少心機,好似佢哋努力突出自己嘅性格(Edan成日好變態咁對Hillary及珈其好易被辣㷫 )及認真對待無聊小遊戲。

新一季嘅節目喺噚晚已經首播,唔知大家覺得好唔好睇呢?

《今世做電視》截圖
《今世做電視》截圖
《今世做電視》截圖
《今世做電視》截圖
《今世做電視》截圖
《今世做電視》截圖
《今世做電視》截圖
《今世做電視》截圖
《今世做電視》截圖
《今世做電視》截圖
Edan
Edan
Jeffrey
Jeffrey
阿正
阿正
肥腸
肥腸
岑珈其
岑珈其
Hillary
Hillary
肥腸、岑珈其、阿正、Jeffrey、Hillary和Edan
肥腸、岑珈其、阿正、Jeffrey、Hillary和Edan
肥腸、阿正、Hillary、Jeffrey、Edan和岑珈其
肥腸、阿正、Hillary、Jeffrey、Edan和岑珈其

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能