《風再起時》疑涉敏感題材 香港國際電影節官方宣佈因技術問題取消放映

電影《風再起時》原定為「第45屆香港國際電影節」開幕電影之一，點知放映前三日官方宣布「因技術問題」而取消4月1日及4月4日兩場放映會，已購票的觀眾，可申請全額退票。消息一出，網民們都議論紛紛，更有網民推測電影臨時被抽似係受政治因素影響。

有消息指《風再起時》係中港合拍片，於2018年已經完成拍攝，但劇集涉及敏感題材，所以一度未能通過大陸電影局檢查，內容亦作出多番修改，拖到而家先有機會放映。電影由導演翁子光執導兼編劇，並由郭富城、梁朝偉、譚耀文、謝君豪及金燕玲等實力派主演，真係夠晒星光熠熠呀！電影以香港60年代四大探長做藍本，郭富城飾演探長磊樂，而梁朝偉飾演探長南江，與譚耀文、周文健演當年四大探長，講述當年警察貪污和黑社會題材。

《風再起時》喺本月18日開售當日，已經有人估到隨時有變卦，因為電影節官網一直都係片名後標註「待定」，亦未獲得國家電影管理部門發出嘅「電影公映許可證」，只係冇諗到賣晒門票都會以技術問題取消放映，而大會方面就暫時未有安排其他電影補上。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！