「一日三餐」迎月夜結業拉閘 員工不捨落淚 店方：多謝香港人

旺角人氣茶餐廳「一日三餐」在迎月夜拉下鐵閘，完成最後一日營業。十多名食客在餐廳門外看拉閘一刻，鼓勵員工撐住：「一日三餐加油！」有員工在閘門拉下之後不捨落淚，與老闆和食客互相道別。店方在facebook專員公告正式結業：「多謝香港人」。

一日三餐由前立法會議員譚文豪、香港中小企食店聯盟召集人林瑞華合夥開設，於2020年疫情期間成立，走過疫情三年，上月宣佈因加租、食材成本上升、人手不足等因素，昨晚（30日）最後一日營業。

店方早前在社交平台上表示，在最後一周繼續用心準備每一道日常飯菜，希望食客會記得一日三餐的味道。悅和鼓油雞、招牌西檸雞、沙嗲肥牛粉絲煲、椒鹽豆腐等都是一日三餐營業最後一周的餐牌菜式。不少熟客及市民專程在最後一天前來光顧，好好道別。晚餐時間餐廳內座無虛席，不少菜式早已售罄，食客紛紛向員工說「保重、加油」。

王宗堯：用心、真正好食係無價

傍晚時分，藝人王宗堯現身一日三餐，不少食客要求合照。王宗堯接受《Yahoo 新聞》訪問時表示，特地在踢波前買外賣，「偶爾都會過嚟買外賣，今日買定啲嘢，因為知道踢完波可能都好晏，都嚟同佢哋講聲辛苦哂。」作為常客的他，對於一日三餐結業，嘆目前市道艱難。曾經見證過開幕，現在也見證最後一刻，「每年佢哋嘅月餅都會買，無論自己食定送畀朋友，都會支持吓，因為我覺得用心同埋真正好食嘅嘢係無價。」王宗期望餐廳在海外重新出發，「希望將來大家都可以捲土重來。」

食客阿寶既是第一次光顧一日三餐，也是最後一次，「有啲好似有屋企人離開嘅感覺，尤其喺中秋呢個節日。同埋點解香港成個經濟，由疫情打後到依家政府話要振興，或者要搞好多夜市、夜繽紛，但好似對一啲小商戶嘅支持就……見好多小店都關咗門，好沉寂。」她首次光顧就感受到「家的味道」，「雖然第一次嚟，但我覺得好似返咗屋企食飯，同埋見到好多好親切嘅人。食咗個琵琶豆腐、西檸雞，終於食到最出名嘅豉油雞，好有屋企嘅味道。」不少食肆小店陸續結業，她坦言「無啖好食」，希望政府能夠推出更多政策支援小商戶。

來自日本的大學交換生Francis從香港朋友口中得知一日三餐結業，特地前來光顧。Francis傍晚見餐牌上已沒太多選擇，吃了一個雜扒飯，「見到有很多人前來」。在香港已經生活了一年的他對餐廳結業感難過，「好像有一些象徵沒有了」。