「前東張女神」利穎怡將加入《一線搜查》 成第四位東張主持過檔HOY TV？

前東張女神利穎怡（Joan）日前承認已約滿離巢TVB，結束12年賓主關係，並指現時可以自己接工作，並正接洽電影、廣告及節目，利穎怡最新工作動向將會加盟HOY TV資訊節目《一線搜查》。

《一線搜查》主持為全女班，陣容強大，當中更有多位前東張女神主持，包括宋熙年、林希靈及黃愷怡，另外有梁嘉琪、簡采恩、林靜莉、羅頌欣及黎美萱等藝人一同擔任節目主持，一班女主持於廠景多以短裙出鏡，大曬長腿；但亦會走到時事最前線，到現場直擊報導。利穎怡將與前TVB財經主播余琦琪加入《一線搜查》，成為節目主持之一。

利穎怡於TVB節目《東張西望》落力採訪嘅表現深受網民熱捧，不過2022年一次追訪美孚老鼠屋業主時遇襲，令佢承受極大壓力並出現「鬼剃頭」秃頭情況，於是喺同年9月離開《東張西望》，轉型做演員，曾拍攝《破毒強人》、《飛常日誌》、《本尊就位》等劇集。余琦琪則於2020年由Now財經台轉投TVB，為財經投資節目《交易現場》、《智富360》等擔任主播，因長相甜美，被網民稱為「琦琪BB」和「Katrinababy」，2023年11月宣布離巢TVB。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！