「泰國最美跨性別人士」Rinrada Thurapan被睇好成Poyd接班人 IG坐擁250萬追蹤

泰國法律規定，年滿21歲嘅男子必須進行兵役登記，自願或抽籤入伍，所有合資格人士都必須到徵選場地，但每年都好多「美女」出現，令唔少人驚訝徵兵現場竟然似選美盛事，當中Rinrada Thurapan憑一張徵兵現場照片爆紅，除咗被網民封為泰版Angelababy及泰國之外，佢更成為KOL，佢嘅IG至今超過250萬名追蹤者。

現年26歲嘅Rinrada Thurapan擁有完美嘅臉蛋及纖細嘅身形，經常喺IG上載靚相，成功俘虜唔少網民嘅心。原來Rinrada 自細外表已經長得非常標致，中學嘅時候已經係學校嘅男神，仲有唔少女仔寫情信向佢表白。不過佢喺成長過程中，已認知自己係一位女性，從小喜歡玩洋娃娃，曾告知父母想要當女生，遭強烈反對下背著爸媽去做手術。後來於15歲開始參加選美比賽，2017年勇奪泰國跨性別選美大賽「Miss Tiffany’s Universe」后冠，及代表泰國出席世界跨性別選美大賽，成功勇奪亞軍；並因出演泰劇《為愛所困》及《賣萌這件小事》等等，演出機會不斷，成為演藝圈及廣告界嘅新寵兒，兼被睇好成為Poyd嘅接班人。

喺事業穩定後，Rinrada成功化解家人嘅偏見；而佢亦大方承認自己曾經係男兒身及上半身做過跨性別手術，同時身為LGBTQ界嘅最佳代言人，所以佢曾經擔任乳房手術嘅演講嘉賓，以過來人身份分享自己嘅經歷。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！