「爵屎」再爆爭議要求撤換Admins Edan急發千字文拆彈

「爵屎」再爆爭議要求撤換Admins Edan急發千字文拆彈
「爵屎」再爆爭議要求撤換Admins Edan急發千字文拆彈

MIRROR成員Edan(呂爵安)人氣爆燈,深得一班「爵屎」愛戴,惟近日卻發生歌迷內訌事件,日前Edan粉絲群組admins宣布將成立收費個人官方歌迷會,惹來大批「爵屎」不滿,翻炒昔日對admins嘅種種爭議,更重提早喺半年已要求Edan更換admins班底,希望如今Edan能夠「找數」,對此Edan亦急急「拆彈」,撰寫長文回應粉絲訴求,佢解釋保留管理員班底其實係公司嘅意思:「其實當初FC有事發生,我都即刻同公司匯報,而公司嘅feedback係唔希望我再參與任何有關FC嘅事宜,希望我專注番做好自己嘅工作,FC嘅事情就交由公司去處理,所以嗰次之後我就冇再去處理,交哂畀公司。」

Edan粉絲群admins宣布成立收費歌迷會,引來一眾「爵屎」不滿。
Edan粉絲群admins宣布成立收費歌迷會,引來一眾「爵屎」不滿。
要求Edan換走admins。
要求Edan換走admins。

佢續指:「而我得知嘅結果就係,公司唔希望我將admins們換走,因為始終牽涉到好多金錢上,保密上等等嘅問題,所以公司希望保留原有已經建立了信任嘅admins,亦希望佢哋可以成立一間公司,更好咁聚集每一位爵屎,更有效率咁運作一個Fansclub,而admins們亦承諾會盡力做好,吸取過往嘅經驗,繼續為大家服務。」又為admins護航,指考慮到admins工作量太大,才決定重整fansclub:「公司同admins們決定將會在演唱會後重整FC,招募更多admins,詳細方案將會在稍後公布,希望此舉可以壯大FC,加入更多不同的意見,有更多力量去運作,知道大家係因為愛我先會咁緊張,我亦希望FC會在未來變得更好,希望大家可以畀多啲時間公司同admins們去處理。」

Edan就解釋一切係公司安排。
Edan就解釋一切係公司安排。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能