「鑽石筍盤」吳卓羲身家至少半億 收藏40隻名錶7架車 三年供完一層樓

吳卓羲
吳卓羲

現年43歲嘅吳卓羲(Ron),喺2000年加入TVB隨即受到力捧,參與《大唐雙龍傳》、《衝上雲霄》、《少年四大名捕》、《學警》系列等經典劇集,當年與林峯、黃宗澤、陳鍵鋒叱咤一時,被譽為TVB四大小生。吳卓羲唔經唔覺已經入行超過20年,除咗演藝事業之外,佢最近仲向潮流界發展,投資近7位數字,構思推出自家品牌和NFT。

NFT(非同質化代幣)近年席捲全球,透過加密鍵技術將藝術品上傳並保存,再放係拍賣網站交易從而賺取金錢,令唔少藝人都加入NFT戰團,當中包括吳卓羲。佢最近喺疫情下投資近7位數字,構思推出自家品牌和NFT,今次佢與內地團隊合作,希望用屋企嘅貓貓做藍本,然後加上飛虎隊嘅制服,推出Figure、衣服及首飾。

喺2020年,吳卓羲喺《Tiger's talk》被問到有冇收藏名錶嘅興趣時,佢就話有收藏約40隻名錶,原因係年輕時見到木村拓哉手上戴著同牌子嘅錶,令到佢覺得好有型,同戴呢隻名錶就係男人嘅夢想。而陳山聰亦大爆對方16年前拍《大唐雙龍傳》時就已經開始戴名錶,仲估佢當時隻錶而家已升值到40至50萬一隻。

除咗玩錶之外,吳卓羲仲鍾意買車同買模型,佢擁有7架車及喺北京開設了三層高嘅玩具博物館,免費俾人參觀。另外,佢亦鍾意投資「磚頭」,2013年佢以900萬港元買下深井一個1,200呎單位,如今已升值至約2千萬港元,據講係買俾媽媽自住。吳卓羲仲有一層樓屬於投資性質出租,更有消息指佢買樓後3年內就已經供完層樓,保守估計佢身家超過半億。吳卓羲靚仔、有型、孝順又有錢,果然係圈中嘅「鑽石筍盤」呀!

吳卓羲
吳卓羲
《逃獄兄弟3》劇照
《逃獄兄弟3》劇照
吳卓羲
吳卓羲
吳卓羲
吳卓羲
吳卓羲
吳卓羲
吳卓羲
吳卓羲
吳卓羲
吳卓羲
吳卓羲
吳卓羲
吳卓羲
吳卓羲

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能