「10億女友」陳庭欣低調不炫富 零行頭現身富豪婚宴

港姐冠軍陳庭欣（Toby）與有米男友Benny拍拖多年，升呢「10億女友」嘅佢更進駐九肚山豪宅，不過性格貼地嘅佢依然保持低調，甚少炫富，早前佢孖住男友到峇里出席友人婚禮，近日該好友再回港擺酒，Toby都再度出席婚宴，但就未有高調晒行頭，比起同場一班富貴姊妹低調得多。見場內有唔少人手持名牌黑色鱷魚皮包包，價值高達70萬，反觀Toby着上寶藍色禮服，配搭僅1萬多港元嘅冷門手袋，走平實路線，唔搶風頭。