「UFO專家」卓飛疑背妻出軌 老婆出PO揚言16年婚姻GAME OVER

KOL卓飛係外星人及UFO專家，曾為J2《兄弟幫》、ViuTV《阿美利堅有外星人》及網台《恐怖在線》等節目擔任嘉賓，相信觀眾對佢唔會感到陌生。不過近日佢就疑似出軌，被老婆Grace Chan喺個人社交網站出PO公開卓飛與疑似第三者嘅合照。

卓飛老婆近日喺個人社交網站出PO，寫上：「不能長廂廝守, 因為我不能接受背叛…..不能接受出軌….𝐆𝐀𝐌𝐄 𝐎𝐕𝐄𝐑! 16年……不短的日子……換回來是….”心碎”…… 人在做, 天在看! 𝐂𝐡𝐞𝐚𝐭𝐢𝐧𝐠 𝐚𝐧𝐝 𝐥𝐲𝐢𝐧𝐠 𝐚𝐫𝐞𝐧'𝐭 𝐬𝐭𝐫𝐮𝐠𝐠𝐥𝐞𝐬, 𝐭𝐡𝐞𝐲'𝐫𝐞 𝐫𝐞𝐚𝐬𝐨𝐧𝐬 𝐭𝐨 𝐛𝐫𝐞𝐚𝐤 𝐮𝐩. 𝐈 𝐜𝐚𝐧𝐧𝐨𝐭 𝐚𝐜𝐜𝐞𝐩𝐭 𝐛𝐞𝐭𝐫𝐚𝐲𝐚𝐥.... 𝐆𝐀𝐌𝐄 𝐎𝐕𝐄𝐑! 𝟏𝟔 𝐲𝐞𝐚𝐫𝐬.... 𝐧𝐨𝐭 𝐚 𝐬𝐡𝐨𝐫𝐭 𝐩𝐞𝐫𝐢𝐨𝐝..... 𝐇𝐞𝐚𝐫𝐭𝐛𝐫𝐞𝐚𝐤 𝐒𝐲𝐧𝐝𝐫𝐨𝐦𝐞 𝐢𝐬 𝐫𝐞𝐚𝐥. 𝐁𝐞𝐭𝐫𝐚𝐲𝐚𝐥 𝐢𝐬 𝐚 𝐝𝐢𝐫𝐭𝐲 𝐦𝐮𝐫𝐝𝐞𝐫 𝐝𝐨𝐧𝐞 𝐜𝐥𝐞𝐚𝐧! （欺騙和說謊不是鬥爭，而係分手的原因。我不能接受背叛…GAME OVER！16年……不是一個短嘅時間……心碎是真實存在。背叛是一場乾淨俐落的骯髒謀殺！）」並上載卓飛跟疑似第三者嘅三張合照，其中一張卓飛更與疑似第三者錫錫，疑似為女方慶祝生日，行為相當親密。有網民發現蛋糕上寫有Nicole呢個名，更估計係卓飛嘅粉絲之一，因為卓飛嘅粉絲群組「神秘學朋友研究群組Mysterious Journal」入面，正正有一個名叫Nicole嘅admin。

唔少朋友及網民得知消息後，紛紛留言表示對卓飛失望及叫Grace加油，例如「對飛哥失望，希望你好好照顧自己。」、「壞咗的男人」、「我覺得好失望！ 但遠不及你嘅失望、悲傷 你要振作，好好活著自己 每1天，撐你」及「唔知可以講乜，但希望你好好照顧自己」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！