雅虎香港新聞 【免費入機場貴賓室】邊張信用卡最易申請？
機場貴賓室已經愈來愈平民化，唔再係非富則貴嘅地方，唔少信用卡都有優惠可以免費入lounge。復活節長假又嚟啦，相信大家都準備飛，不過你又準備左可以免費入lounge嘅信用卡未？又知唔知邊張卡可以免費入lounge？未有呢幾張信用卡嘅，又想唔想知邊張卡申請門檻最低？
根據香港國際機場網站顯示，現時共有18間航空公司貴賓室(詳情：https://www.hongkongairport.com/tc/passenger-guide/airport-facilities-services/airline-lounges)。而呢啲貴賓室亦有分兩種，一種係可以用信用卡優惠或付費入內，另外一種就係要航空公司嘅尊貴會員或坐該航空公司嘅商務或頭等艙位先可以入內嘅貴賓室。今次小編就會主力同大家介紹可以透過用信用卡優惠就入到嘅貴賓室，亦會同大家講講申請門檻。
可以用信用卡優惠免費入嘅Lounge包括：
1. 環亞機場貴賓室(東大堂及西大堂)
2. 美國運通The Centurion Lounge
3. 紫荊堂及遨堂
4. 澳航貴賓候機室
機場貴賓室 免費攻略！
1. 環亞機場貴賓室(東大堂及西大堂)
先同大家介紹環亞機場貴賓室，去開旅行嘅朋友對呢個lounge一啲都唔陌生，「臨出發前食碗魚蛋河，打個卡先！」無錯！魚蛋河就係環亞呢個lounge嘅signature，加上呢個lounge有好多張信用卡都可以免費入，以及呢個lounge亦係香港Priority Pass及LoungeKey嘅貴賓室，所以可以話呢個lounge係喺機場入面門檻最低嘅其中一個lounge，所以……人流一直都好多，排隊人龍都會比較長，需要耐心等候！
一圖睇下邊張信用卡可以免費入環亞lounge及有咩限制！
信用卡 | 人數 | 入lounge限制 | 申請門檻 | 年費 | 容易度 |
美國運通國泰航空信用卡 | 1 | 一年2次 | 年薪$150,000 | 首年年費豁免 | ***** |
美國運通國泰航空尊尚信用卡 | 1 | 無限次使用(包括附屬卡) | 年薪$300,000 | 首年年費豁免 | *** |
美國運通白金卡 | 3 | 無限次使用 | 年薪$1,000,000 | $7,800 | * |
HSBC銀聯雙幣鑽石信用卡 | 1 | 一年3次，必須於使用日前1-30天網上預約，名額100 | 年薪$150,000 元或資產須達港幣 100,000 元或以上 | 豁免首兩年年費 | ***** |
HSBC Visa Signature 卡 | 1 | 30日前開始接受預約，每日限100個名額，額滿即止 | 年薪$360,000 元或資產須達港幣 400,000 元或以上 | 豁免首兩年年費 | *** |
上海商業銀行銀聯雙幣鑽石信用卡 | 1 | 連續兩個月內共簽賬滿HK$12,000或以上， 可使用3次 | 年薪$250,000 | 首3年年費豁免 | **** |
交通銀行白金Visa卡 | 1 | 免費使用3-8次 | 年薪$150,000 | 豁免 | ***** |
Citi Prestige | 1 | 無限次使用(LoungeKey) | 年薪$600,000 | $3,800 | ** |
Citi Premier Miles | 1 | 一年12次，使用貴賓室後30天內，簽賬$5,000可免費(包括附屬卡) | 年薪$240,000 | 首年年費豁免 | **** |
WeWa銀聯卡 / Earnmore銀聯 | 1 | 每年度2個連續自然月內簽賬滿HKD/MOP12,000，可享3次機場貴賓室服務，並需預約 | 年薪$60,000 (普通卡)、年薪$150,000 (白金卡)、全日制大學/大專學生 | 豁免 | ***** |
恒生Visa Infinite | 1 | 無限次使用(Priority Pass) | 獲邀請人士 | 獲邀請人士 | * |
建行(亞洲)銀聯鑽石Prestige卡 | 1 | 無限次使用 | 獲邀請人士 | 獲邀請人士 | * |
大新VIP銀行服務Visa Infinite卡 | 1 | 4次(Priority Pass) | 需持有大新VIP銀行服務戶口 | VIP銀行服務客戶 | * |
信銀國際CITICfirst白金卡 | 1 | 4次 | CITICfirst 客戶 | CITICfirst 客戶 | * |
2. 美國運通The Centurion Lounge
美國運通The Centurion Lounge 2017年10月開幕，位於一號客運大樓離港層東大堂，近61號登機閘口，佔地約8,000平方呎，雖然地方唔係好大，但因為入場門檻高，所以人流唔會多得去邊，所以地方唔大都唔會覺得逼。話晒係高級貴賓室，除左有一般貴賓室服務外，好似淋浴間、自助餐吧等，亮點在於有只供「黑卡」會員享用的專區（Centurion 專區），會員可享用由洲際米芝蓮星級名廚設計的專屬菜色，以及坐喺高私穩度的沙發上處理公務。嘩！真係好高級，想入去嘆下，最低限度你需要有年薪一百萬去申請美國運通白金卡，咁你就可以帶埋兩名親友免費入呢間咁高級嘅lounge。
一圖睇下邊張信用卡可以免費入美國運通高級lounge及有咩限制！
信用卡 | 人數 | 入lounge限制 | 申請門檻 | 年費 | 容易度 |
美國運通白金卡 | 3 | 無限次使用 | 年薪$1,000,000 | $7,800 | * |
Centurion Card | 3 | 無限次使用 | 獲邀請 | 獲邀請 | 超難 |
3. 紫荊堂及遨堂
香港航空的遨堂同樣在2017開業，不過早The Centurion Lounge一個月，在9月初已經開幕，佔地13,940平方呎，採用樓閣式的設計，地方大，望落好寬落。香港航空嘅貴賓室，最有特式嘅一定係港式小食，好似港式雞蛋仔，唔少試過嘅朋友都話雞蛋仔口感香脆，好值得一試﹗遨堂開左之後，由於兩間lounge嘅使用條件都大致相同，相信舊啲嘅紫荊堂就少左人去了。
信用卡 | 人數 | 入lounge限制 | 申請門檻 | 年費 | 容易度 |
工銀亞洲香港航空白金卡 | 5 | 可供持卡人及同行親友使用，次數按人頭計算 | $250,000 | 2019年6月30日前，成功申請香港航空Visa白金卡，可獲永久豁免年費 | **** |
中國建設銀行香港航空Fly Away信用卡 | 5 | 可供持卡人及同行親友使用，次數按人頭計算 | $150,000 | 永久豁免 | ***** |
中銀香港航空Visa Signature卡 | 5 | 可供持卡人及同行親友使用，次數按人頭計算 | $300,000 | 主卡豁免首兩年年費 | *** |
4. 澳航貴賓候機室
面積約2000平方公尺，可容納約300位旅客的澳航貴賓候機室，相信唔係好多朋友入過去，皆因現時只有一張信用卡可以入呢個貴賓室。澳航貴賓室設施同樣一應俱全，個人工作間、WiFi 網絡、淋浴、餐飲服務、酒吧等等。食物亦較國際化，除了香港特色食物外，亦有日式食物，而最出名的就是叉燒飯！
信用卡 | 人數 | 入lounge限制 | 申請門檻 | 年費 | 容易度 |
AEON Card JAL | 1 | 1次（每年累積簽賬滿HK$150,000) | 沒有年薪要求 | 累積簽賬滿HK$30,000，即可獲享豁免來年費 | **** |
＝＝＝＝＝＝＝
雅虎於本頁中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。所有買賣均由用戶及商戶雙方自行負責。
「Yahoo著數」現已推出，我哋將會為你搜羅每日超市情報，話你知最新購買飲食嘅著數消息、免費或折扣優惠，幫你慳錢慳時間。
想知仲有咩最筍嘅優惠著數？快啲禁入嚟睇下啦！：https://yjetso.myguide.hk
歡迎提供優惠情報，情報一經採用，將有機會免費獲得Yahoo購物券乙張。快啲同我哋一齊搜羅全港優惠著數喇！
