【唔怕大台小器？】邀ViuTV男團MIRROR任個唱嘉賓 TVB歌手吳業坤好大膽

現年28歲的吳業坤（坤哥），2010年參加無綫歌唱比賽節目《超級巨聲2》入行，出道僅16個月便在紅館舉行首個演唱會，至今年4月19日，坤哥將在紅館舉行第二次個唱「小句號演唱會2019」。

《蘋果》收到消息，原來坤哥落實邀請姜濤、陳卓賢（Ian）等12人組成的人氣男團MIRROR擔任個唱嘉賓；然而，坤哥是無綫經理人合約藝人和歌手，而MIRROR則是無綫死敵ViuTV歌手，坤哥膽敢邀敵台歌手做個唱嘉賓，難道不擔心大台小器？

記者昨向坤哥所屬星娛樂唱片公司總經理朱浩棠（Tommy）了解，Tommy承認坤哥請來MIRROR做嘉賓，他說：「係呀，喺大家溝通嘅過程裏邊，覺得係一個幾好嘅performance，同埋我哋覺得音樂冇分乜嘢電視台，所以我哋覺得可以邀請佢哋。」為何選擇MIRROR？Tommy說：「MIRROR同佢（坤哥）出身其實好接近，大家都係電視台比賽出身，然後開始踏入娛樂圈，亦都睇到佢哋嘅努力，我哋喺傾嘅過程中，其實可以帶埋佢哋去紅館，等於之前大家畀個機會坤哥踏足紅館咁樣。」

TVB歌手找ViuTV歌手做嘉賓，難道不怕敏感？Tommy說：「音樂就冇分嘅，最緊要大家都係為咗音樂、為咗一個文化去做呢件事，我哋又唔係要求MIRROR上TVB，或者係坤哥上ViuTV，我哋只不過喺紅館舞台做音樂畀大家欣賞之嘛。」難道不怕TVB小器？Tommy說：「我覺得唔會嘅，大台都好清晰，佢哋都知道好多歌手需要其他媒體去支持宣傳，但當然同時都要尊重合約精神，如果某一啲歌手、一啲藝人，如果同TVB有合約嘅，當然不能出現喺其他電視台度啦，但如果喺舞台上演出，TVB應該唔會介意嘅。」

MIRROR經理人花姐昨在電話承認MIRROR將擔任坤哥紅館個唱嘉賓，說到坤哥與MIRROR所屬電視台是競爭對手時，花姐說：「我自己就覺得冇乜點分嘅，我應承嗰陣就冇諗過TVB定係ViuTV，我淨係覺得難得有一個前輩邀請MIRROR，仲可以上紅館，我覺得對MIRROR嚟講係好事。」說到MIRROR今次將是首次踩入紅館，花姐說：「係呀，畀佢哋試吓、興奮吓，佢哋聽到真係十分開心，開心到好似小朋友咁yeah。」