【日本熱話】天婦羅炸蝦食唔食埋條尾?日本高官答案掀社會討論

·1 分鐘文章
天婦羅炸蝦尾食唔食?原來都會引起網民討論。(圖:MatchJP@Twitter)
天婦羅炸蝦尾食唔食?原來都會引起網民討論。(圖:MatchJP@Twitter)

日本其中一樣美食係天婦羅,而一眾炸物之中相信炸蝦係其中代表,大家平時食會唔會食埋炸蝦嘅尾呢?日本自民黨主席岸田文雄日前進行網上答問接受網民提問,估唔到一眾嚴肅嘅政治問題之中反而有一位小學生問佢食天婦羅時會唔會食埋蝦尾,而岸田文雄亦非常認真咁答「食唔食係自己決定,不過我本人係會食嘅。」

事後估唔到引起網民熱烈討論,有電視台仲即時去做民調,發現日本人有67.1%係會食埋條尾,對於香港人而言相信係幾出人意表嘅結果。而且其中位於靜岡及滋賀縣嘅受訪者更係100%表示自小教育都係話要食埋,可見單單喺日本唔同地方飲食文化都各有差異。相反於香港、台灣大部分網民都話從來唔覺得炸蝦尾係可以食,台灣甚至有醫生話蝦尾有「幾丁質」,食落肚好難消化,嚴重者會割損胃壁,引起胃炎咁話呢!

電視台做嘅民調原來大部日本人都係會食埋落肚。(圖:朝日電視台@YouTube)
電視台做嘅民調原來大部日本人都係會食埋落肚。(圖:朝日電視台@YouTube)
電視台節目更大肆報道,估唔到竟然咁多人討論。(圖:朝日電視台@YouTube)
電視台節目更大肆報道,估唔到竟然咁多人討論。(圖:朝日電視台@YouTube)

 

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

 

相關文章:

繁囂中的綠洲-西貢入選全球最型格社區第-9-名-遊人貪佢夠「慢」

香港好去處-商場-最新活動主題-合集

萬聖節限定!-airbnb推住《奪命狂呼》大宅住宿體驗-每晚只需港幣

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能