【生日零表示】傳同高聖遠婚變 44歲周迅祝自己生日快樂

今年7月，有指周迅已經同結婚4年嘅老公高聖遠，因文化及溝通問題，已經分居兩年，並且已搞緊離婚（相關新聞：

https://bit.ly/2q0HTNW

）。

雖然事後周迅同高聖遠都冇回應過佢倆之間嘅問題，不過適逢今日係周迅嘅44歲生日，周迅今日凌晨12點，已係微博出post寫住「迅，生日快樂，愛你如初」，嚟祝自己生日快樂，而周迅嘅好朋友陳坤，就好有心咁喺凌晨12點正出post，祝周迅生日快樂，而今年更喺陳坤第9年為周迅送上祝福，可見兩人嘅感情好到不得了。

雖然朋友都咁着緊，但佢老公高聖遠，無論喺ig定微博都零表示，而佢對上一次公開喺周迅生日放閃，亦已經係2年前嘅事，難怪會傳出兩人婚變。

無獨有偶，一直盛傳婚變嘅劉愷威同楊冪，兩人同樣過往都會喺微博中互相祝賀放閃，不過今年佢哋就對對方完全冇表示，9月生日嘅楊冪，劉愷威喺楊冪生日月（9月），成個月都冇出post。至於舊年都有一句「糯米爸爸，生日快樂」嘅楊冪呢，今年老公當日，就只出了關於「國家扶貧日」嘅post，其餘任何嘢都冇講，真係唔知佢哋係婚變、定係想低調處理喇。