【良心眼鏡舖】回流配鏡師開小店 免費鏡框贈基層

林燕德（Christine）跟蔡綺雯（Vicky）曾在大公司工作，厭倦了跑數趕deadline的日子，大半年前辭工，在長大的社區，開了間小小的眼鏡舖。客人都是公公婆婆老街坊，但兩人面對最大的問題是，「好多人一推門就問：『我用醫療券㗎！我仲要留返啲錢看甚麼甚麼醫生，你別扣我太多錢啊！』」Christine嘆道：「他們不是很關注自己眼睛有甚麼問題，而是關注你收不收醫療券，別花光我的錢。」最近長者以醫療券購買貴價眼鏡，引起社會關注，人們對眼鏡舖收醫療券的傳聞與誤解，令她們覺得自己開店似做賊，誓要洗脫污名。

洪佳鵬讀小五，看黑板總是眯起雙眼，學校安排他坐在最後一行，其實都唔係好看到黑板。開學前，做兼職清潔工人的媽媽帶他來驗眼，發現是高遠視高散光，配了眼鏡，上堂坐回第二行。配眼鏡那天，Vicky雖給他揀了較高級、特製的鏡片，卻收他基本鏡價錢。小朋友愛打球，眼鏡用半年就污糟又歪斜，得閒就拿來店裏來微調一下。拍檔Christine說：「你咁樣做生意我哋唔掂檔。」但見到小朋友有副新眼鏡笑笑口，今日又用免費鏡框免費幫他配多副後備鏡。「北角炮台山這區像中產地段，但其實都有好多舊唐樓，也有不少住劏房的低下階層，或獨居長者。開小店，工時雖較困身，但沒跑數壓力，幾百蚊也就沒所謂了。」

用醫療券只為眼鏡 「長者驗眼不只驗度數」
2012年，當視光服務納入醫療券範圍時，原意是給長者們「驗眼看醫生」用的，配眼鏡，就好似看完醫生攞的藥般。只是大部份人眼中只見眼鏡，驗眼的過程，倒變成「贈品」。去年，視光師申報近7.6億元醫療券費用，引起限制兩年使用2,000元視光服務上限，以及另設眼鏡券的討論。

Vicky在加拿大修讀配鏡學，研究光影的折射，回港後在私家醫院眼科部和大型眼鏡連鎖店任職，「加拿大的眼鏡舖，會有眼科醫生（Ophthalmologist），視光師（Optometrist）及配鏡師（Optician）三個職位。人們好似年年驗身般年年走去驗眼，如有問題都能及早發覺。」香港似乎不太流行這套，到眼矇、眼痛時才看醫生，就有點遲了。「我們幫老人家驗眼不只驗度數，還會幫他放大瞳孔、驗眼底等，是個綜合眼科視光檢查。希望及早發現眼睛病變。」用醫療券做眼科檢查收費約$280-$480，但不是每間店舖都有這些器材做檢查。

鏡框廠老闆贈鏡框 最平$300配到眼鏡
Vicky愛聊天，講起眼鏡更滔滔不絕。無客的日子，日日喺門口同路過的街坊長者聊天吹水，講吓眼矇又聊吓腳痛，見人家的眼鏡歪了、眼鏡常滑下來，就主動幫人洗眼鏡調鏡框，「啲人好多時話眼鏡戴得唔舒服、頭暈、眼矇，其實可能係鏡框或焦距歪了，或者根本個鏡形不適合。我最鍾意調校吓，佢戴完話『舒服晒喎！』，好似解咗個謎題咁。」街坊一傳十十傳百，個個走來免費調整鏡框。一日一個鏡框廠老闆跑來，放下兩大盒鏡框，讓她們免費供給基層人士使用，還說不夠再補。鏡框是有點次貨的，只屬框上有極微細的刮痕，不細心也看不出來，她們只收基本鏡片費，最便宜的大概三百多元一對。但我點認證自己係基層？二人咦咦哦哦：「其實你話係我就信㗎喇，我諗冇人專登貪呢少少的便宜吧。」

CI Optical Ltd. 北角城市花園道城市花園2座14號地舖

記者：陳慧敏
攝影：伍慶泉