【電影還原事件】近藤真彥背中森明菜與梅艷芳交往 多次出軌成藝能界賤男

·3 分鐘文章

電影《梅艷芳》票房成績亮麗,更有唔少人睇到眼濕濕,但係戲中部份情節被指同事實有出入,例如有哥哥張國榮歌迷指出,哥哥出道比梅姐早,戲中講到哥哥登台觀眾反應不及梅姐並唔成立;另一個引起討論嘅情節,係梅姐同日本歌手「後藤夕輝」嘅一段感情。戲中後藤與梅姐一見鍾情,後來卻因為事業而分開。

【電影還原事件】天后變做小三 近藤真彥呃梅艷芳感情 多次出軌成藝能界賤男
【電影還原事件】天后變做小三 近藤真彥呃梅艷芳感情 多次出軌成藝能界賤男
【電影還原事件】天后變做小三 近藤真彥呃梅艷芳感情 多次出軌成藝能界賤男
【電影還原事件】天后變做小三 近藤真彥呃梅艷芳感情 多次出軌成藝能界賤男

梅姐90年代接受黃霑及葉玉卿嘅《花弗新世界》訪問,提到21歲時有過一段異地戀,對方係圈中人,戀情喺香港開始再延續到外地,但係後來演變成三角戀,對梅姐好大打擊,甚至話一度「唔再相信男人」。

近藤真彥 梅艷芳
近藤真彥 梅艷芳

現實中,梅姐盛傳同日本歌手近藤真彥有過一段情。1984年,紅遍港日嘅近藤真彥來港開show,喺酒會上認識梅艷芳,一年後二人再遇終於撻著。據知事業如日方中嘅梅姐為見男友,一年間飛日本7次拍拖,甚至當年唔係旅遊熱點嘅北海道,梅姐都跟埋去陪近藤真彥開演唱會。

【電影還原事件】天后變做小三 近藤真彥呃梅艷芳感情 多次出軌成藝能界賤男
【電影還原事件】天后變做小三 近藤真彥呃梅艷芳感情 多次出軌成藝能界賤男

不過,當時近藤真彥被指同偶像歌手中森明菜因拍戲一早撻著,梅姐因此變成小三,無奈退出。後來,緋聞多多嘅近藤真彥再被傳媒影到同另一女星松田聖子喺美國幽會,報導出街後中森明菜更割脈自殺,好在最終救得返。

【電影還原事件】天后變做小三 近藤真彥呃梅艷芳感情 多次出軌成藝能界賤男
【電影還原事件】天后變做小三 近藤真彥呃梅艷芳感情 多次出軌成藝能界賤男

更難譜係,近藤真彥喺中森明菜獲救後,要求對方出席記者會,仲暗示係公布婚訊。點知近藤喺記者會上擺中森明菜上枱,要佢否認割脈同感情事無關。1994年近藤真彥同圈外人結婚,愛巢竟然係中森明菜買俾近藤真彥嘅豪宅!舊年日本八卦雜誌影到近藤真彥偷食中女,近藤承認同對方來往5年,並宣佈暫停演藝工作。

雖然梅姐被近藤真彥hurt爆,但係梅姐患癌後都專程飛去日本見舊愛一面。近藤亦有出席梅姐喪禮,據知佢情緒甚為激動,梅姐離世後幾年都會專程來港拜祭。到底近藤真彥對梅姐係咪認真?只有佢先知。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能