【電影LOL】內地重拍《九品芝麻官》焦點居然係豐滿女主角

·2 分鐘文章

90年代周星馳、張敏主演嘅電影《九品芝麻官》票房大收,當中嗌交嘅名場面瘋魔中港台,相信唔少港產片迷久唔久都會重溫下《九》,網上仲有大量記錄其中金句嘅帖文,受歡迎程度歷久不衰!

經典重拍稍有不慎會被影迷瘋狂數落,不過重拍成風嘅內地製作團隊似乎無呢方面嘅擔憂,由韓片《陽光姊妹淘》到金庸劇集《鹿鼎記》、《倚天屠龍記》,到《倩女幽魂》,總之隔一段時間就將受歡迎嘅電影或劇集,搵小鮮肉、小花重拍一次!可惜大多數拍唔出新意,佈景、服裝造型又相似,加上主角們又成日撞樣,結果好多人講……講童年如何被毀!

最新係重拍《九品芝麻官》,認真藝高人膽大!新版《九》將會以網路電影推出,故事會跟足周星馳主演版本,原版講述貪威識食嘅九品官包龍星(周星馳 飾)為咗含冤下獄嘅戚秦氏(張敏 飾)竟然一改庸懶怕事,上京告御狀,途中入妓院食霸王餐而被扣留還債,意外學得嗌交本領,逢嗌必勝,仲遇到皇上(黃一山 飾)求得聖旨重審翻案。

故事跟到足,可惜無論幕前幕後都唔會有周星馳參與,新版包龍星將由彭禺厶飾演,彭唔係學院派出身、外表普普通通,演出經驗全部都係網路電影或劇集,喺內地知名度相當一般。而女主角戚秦氏則由憑飾演《射鵰英雄傳》黃蓉而成為熱搜對象嘅林妍柔飾演。

林妍柔曾經係台灣《黑澀會》成員,轉戰內地5、6年都無咩代表作,直至拍完《射》先有啲人氣,原因同演技無關,而係林擁有惹火身材,密實古裝都遮唔住,憑住「有蓉乃大」而人氣急升!

新版《九品芝麻官》據聞仲誠邀原版主要演員苑瓊丹及黃一山參與演出,暫時未知2位做返原角色定有新設定,不過觀乎內地多套翻拍劇集及電影,皆未能超越原版。新版《九》期望不大,周星馳版難以取代,睇返原裝或者原創故事好過!

更多電影文章

【電影LOL】今期睇咩戲 比得兔2:走佬日記/國定殺戮日:無限狂屠/公義私刑

【電影LOL】《拆彈專家2》《哥斯拉大戰金剛》分佔香港上半年電影票房中西片冠軍

【電影LOL】成棟樓直插地底!李光洙新戲演出港人噩夢

【電影LOL】John Cena就辱華言論道歉幫到手《F9狂野時速》內地收2億美元

【電影LOL】三大導燒2億美金!內地史上最貴電影《長津湖》參加今年康城影展

【電影LOL】白人冇份!迪士尼搵拉丁裔新人Rachel Zegler主演新版《白雪公主》

【電影LOL】Edan@MIRROR首拍賀歲片有勁敵 黃子華拍《飯戲攻心》加入戰團力爭3連霸

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能