一舞傾城︱姚子羚一個打九個好揪得 網民：女版葉問

被喻為港版《華燈初上》嘅TVB熱播劇集《一舞傾城》，以昔日香港夜總會為背景，噚晚（22日）劇情就講到魚旦媽（莊鍶敏飾）為咗賺取「萬國城最後一個處女」KK（陳星妤飾）80萬初夜佣金，拎出Paula（傅嘉莉飾）與Marco（關楚耀飾）嘅情慾片欺騙KK ，結果KK喺一怒之下就決定收金主肉金，不過最後因生理期而避過賣初夜。後來魚旦媽眼見初夜佣金化為烏有，一怒之下就搵埋29組姊妹找KK悔氣，好彩後來KK得到Money（文凱玲）及Michelle（姚子羚）幫助。

姚子羚喺劇中飾演臥底兼38組助理媽媽生Michelle，喺噚晚嗰集佢喺幫助KK時好似葉問上身咁，一個人打九個29組姊妹，一時起飛腳，一時扯頭髮，一時兜巴星，一時就拳打腳踢，場面非常震撼。唔少網民睇完都紛紛留言大讚姚子羚好好打，例如「「咁揪得嘅姚子羚, 身手同甄子丹比得過,我鍾意呀 !!!!」、「姚子羚出場推開魚蛋媽個吓真係好有戲-憫憫哋又唔怕你」、「福妹緊係好打啦！」、「女版葉問」、「鐵拳英雄之一舞傾城」及「福妹上身？」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！