七月十四｜各區盂蘭勝會「縮水」 神功戲數目削四分一 主辦方：香港經濟唔掂

【Yahoo 新聞報道】今日（29 日）是農曆七月十四日「盂蘭節」。每逢盂蘭節，各區在疫情前一直按習俗舉辦盂蘭勝會，更被列入國家級非物質文化遺產名錄。今年疫後「復常」，多區盂蘭勝會復辦，當中包括神功戲、設神壇及祭孤魂等環節。然而有相關團體透露，籌得善款因經濟不景而下跌，用作盂蘭勝會神功戲的資金亦隨之減少。相比 2019 年，今年有四份一神功戲因經費不足等原因而無奈停辦，只剩神壇祭祀部份，當中包括本港歷史最悠久的銅鑼灣摩頓台公和堂盂蘭勝會。

攝影記者：Davies

根據香港潮屬社團總會轄下盂蘭勝會保育工作委員會的統計，全港有神功戲的盂蘭勝會由 2019 年的 28 個下跌至今年的 21 個，減少了四分之一。今年共有 40 多個沒有神功戲的盂蘭勝會。該會副主席胡炎松接受《Yahoo 新聞》訪問時表示，籌募神功戲及盂蘭勝會的資金主要來自街坊及商戶，「（商會）入面啲理事呀、做生意嘅商戶支持」，惟今年善款數字下跌。他續指，現時舉辦包含神功戲的盂蘭勝會，約需 110 至 130 萬元，包括搭戲棚及邀請戲班等開支；沒有神功戲的盂蘭勝會的開支則視乎規模，「十零萬到六七十萬都有，好似西貢嗰啲都要成六七十萬」。

香港潮人盂蘭勝會於 2011 年被列入第三批國家級非物質文化遺產名錄，現時華人廟宇委員會及非物質文化遺產辦事處均有資助各團體舉辦盂蘭勝會，但胡炎松指，部份資助今年度亦減少，「有啲盂蘭勝會都係靠資助幫補吓，每個盂蘭團體可以拎到二、三十萬」。

除了資金原因，胡指今年是疫後首年「復常」，不少地區組織均對舉辦大型活動持觀望態度，「睇睇今年反應先，再睇吓（未來）可唔可以繼續去搞」；由於神功戲的戲班成員大多來自潮汕地區，疫後申請來港方法有變致部份戲班未能確認時間，以黃大仙東頭邨盂蘭勝會為例，「佢哋係做農曆七月初一第一日，擔心搭咗個棚，但啲戲班落唔到嚟」，故此取消神功戲環節。

「以前捐兩萬，而家捐八千」

佛教三角碼頭盂蘭勝會慈善有限公司董事陳運然向《Yahoo 新聞》指，上環三角碼頭盂蘭勝會將於今年 9 月 8 日至 10 日於中山公園舉行，規模雖無縮水，但今年籌得的經費大不如前，「香港人困咗三年，出咗去大陸都 50 幾萬人，出外消費，根本香港經濟唔掂喇！」他指舉辦這次盂蘭勝會預計需花 120 萬元，過往埋單計數「都有三兩萬淨」，「今年可能要倒貼十幾萬」。他慨嘆，市道疲弱減市民捐款意欲，「以前捐兩萬，而家就捐八千」。不過要待農曆七月十四過後，才能確認實際善款數字。

胡炎松續指，盂蘭勝會最為蓬勃的時期為七十年代，「戰後六七十年代經濟起飛，當時啲人搵到啲錢，加上上一輩對盂蘭節呢個功能信仰仲係好強烈，搵到錢都樂意捐錢」。盂蘭勝會的用意是「拜神求功德」，祈求神靈保佑，「安撫心靈、提升自信」，但現今生活環境轉好、思想較科學，「啲人都唔太需要呢樣嘢，參與呢啲嘢嘅熱誠都唔多」，以保育方向了解多於信仰角度參加，「我哋都為咗呢樣嘢頭痛，好多盂蘭群體都想搵接班人」。一般街坊到場參與盂蘭勝會，均會上香及捐獻，之後亦可免費入場觀賞神功戲，希望更多人深入了解盂蘭文化，得以承傳。

神功戲「係畀神明睇」

不少人對「盂蘭」避之則吉，將其與鬼怪掛勾，事實上盂蘭勝會的擺設是寫上「生意興隆」、「老少平安」、「神人共樂」等字句。胡解釋，潮州人習俗在盂蘭期間祭祀先人，「無親人祭祀嘅先人，我哋都會祭祀埋，自己嘅先人就係祖先，人哋嘅先人好多時就會以鬼嚟做稱呼，令到個概念睇落好似好恐怖」，但歸根究底，盂蘭勝會只是提供一個祭祀先人的機會，「無血緣嘅眾生都會救濟埋，係博愛包容嘅普世價值」。

盂蘭勝會包括酬神及超渡祈福，神壇與神功戲棚相對，胡指「啲戲就係畀神明睇」，再加上神袍棚、經棚、孤魂台及米棚等等。盂蘭勝會的神功戲一般每晚上演，五齣短劇包括《八仙賀壽》、《仙姬送子》等。米棚則舉行施食儀式，「畀啲無人祭祀嘅孤魂野鬼」，儀式過後，白米就會分予社會有需要人士，是為「陰施陽濟」，「喺陽間都會有救濟嘅功能」。