上海三層豪宅曝光︱王祖藍怕妻女攰 層層親置雪櫃

王祖藍同李亞男去年已舉家移居上海，時不時都喺豪宅內拍短片吸人氣，更令海豪宅內貌曝光。今次王祖藍就拍片指自己為家人於豪宅各層設置雪櫃，等家人唔使山長水遠到樓下開雪櫃拎飲品，大晒暖男爸爸一面！王祖藍除展示強勁臂彎，指自己可以抬住雪櫃周圍走，行三層樓都唔攰，不過就只係抬起迷你雪櫃，比細女仲要矮一個頭，仲引到兩位千金關注，連太太李亞男都讚小雪櫃啱晒小朋友，同佢於片段開初鬧老公亂買嘢嘅表現好大反差。

其實之前李亞男都曾曝光過豪宅內貌，被指就係王祖藍早前購入上海江景豪宅之一嘅「雲錦東方」。據知雲錦東方位於上海徐匯濱江核心區域，每平方米要價約10萬人民幣，三層樓加埋非常寬敞，星級鄰居更係令人羨慕，包括胡歌、唐嫣等一線小生花旦。