《乘風破浪的姐姐2》張栢芝手腳僵硬唱歌似唸經 網民:壞咗嘅機械人

·2 分鐘文章
張栢芝
張栢芝

內地真人騷節目《乘風破浪的姐姐2》雲集多位天后出演,當中包括張栢芝及容祖兒。節目播出以嚟都深得內地觀眾喜愛,引起唔少關注。多年冇活躍於幕前嘅張栢芝,繼早前接受內地網紅邀請出席演唱會,期間獻唱《留給最愛的說話》及首本名曲《星語心願》表現已經強差人意後,佢喺日前播出嘅《乘風破浪的姐姐2》第二集中表現都係未如理想,除咗唱歌甩beat及唔夠氣之外,佢嘅舞姿真係睇到人極度尷尬,喺表演時又不停咁笑,唔少網民覺得佢唔專業及形容佢係「壞咗嘅機械人」。

喺節目中,張栢芝與李菲兒到《理所當然》組訓練室,舞蹈老師示範期間佢哋都有跟住跳,不過就表現得非常吃力,尤其係張栢芝。佢除咗跟唔到及手腳唔協調之外,連蘭花手動作都俾佢搞到變「雞爪」。另外,喺跳舞期間佢多次講出自己最不喜歡這種舞蹈及不停忍唔住笑,甚至話:「很不張栢芝,我想要吐」,連旁邊嘅李菲兒就不停安慰佢,不過佢就話自己會努力。去到「唱跳考核」嘅環節,栢芝又忍唔到笑,加上成個表現都甩晒beat、手腳僵硬及唱歌唱到好似唸經咁,搞到評判們都睇到好尷尬,之後評判就話:「不希望每個姐姐能達到多精彩的表演程度或者演唱程度,只要有突破就是進步」

雖然栢芝嘅表現的確係仲有好大嘅進步空間,不過依然有唔少網民支持佢,仲大讚佢可愛。另外亦唔少網民認為栢芝表現唔專業及唔認真,連王菲填詞人兼好友「稻稻」都有喺微博發文公開寸張栢芝,留言話:「也不知道幹啥來的,划划水就能掙錢,還一堆人誇可愛,甚麼玩意兒」之後,仲話「沒能力還不以為恥!」隨即引起網民瘋狂回應,之後稻稻就已刪文。

張栢芝
張栢芝
張栢芝
張栢芝
《乘風破浪的姐姐2》截圖
《乘風破浪的姐姐2》截圖
《乘風破浪的姐姐2》截圖
《乘風破浪的姐姐2》截圖
《乘風破浪的姐姐2》截圖
《乘風破浪的姐姐2》截圖
《乘風破浪的姐姐2》截圖
《乘風破浪的姐姐2》截圖
《乘風破浪的姐姐2》截圖
《乘風破浪的姐姐2》截圖

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!