亞洲超星團丨練習生主題曲直拍影片釋出 網民：好像很忙 但是不知道在忙什麼

TVB全新偶像選秀節目《亞洲超星團》將於下周六（25日）播出，優酷國際版將同步上線。節目雲集65位來自內地、香港、澳門、台灣、日本及韓國等地嘅「超星練習生」，致力打造一隊具影響力嘅男子組合。繼參賽者宣傳照及宣傳片等曝光，近日官方陸續釋出各練習生嘅主題曲《閃耀/Shining》直拍影片，不過一班網民就好似唔多鍾意，仲話睇到好尷尬。

近日官方陸續釋出練習生們嘅主題曲《閃耀/Shining》直拍影片，影片中嘅佢哋都努力展現個人魅力，務求令觀眾留下良好印象，不過一班網民就似乎唔多buy，除咗認為佢哋嘅妝容化得太白之外，亦認為睇佢哋跳舞好尷尬，例如「大陸既小白臉化妝法真係得人驚 明明陽光男孩俾人化到白到唔對色 浪費左努力練舞 俾個妝拖累左」、「個妝真係好有問題 真係太白 改善下呢個問題會好好多」、「Tvb係咁嘅質素架啦」、「好像很忙，但是不知道在忙什麼」、「亞洲抽筋團」、「好驚呀~跳到咁架」、「跳得好有障礙」、「大猩猩咁」、「見到有啲尷尬感」、「咩料呀？好羞家呀！快停！」及「好心大台唔好迫佢哋啦」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！