何晉樂遭欺凌 被同學踢落樓梯

馮允謙(右)有意完騷後去旅行,何晉樂則將到馬來西亞工作。
馮允謙(右)有意完騷後去旅行,何晉樂則將到馬來西亞工作。

歌手馮允謙與何晉樂(Rock)昨日到電視城錄影《勁歌金曲》,馮允謙表示:「今日宣傳新歌,呢首歌本來好夏天,但歌詞有啲傷感,係講疫情下大家冇得去旅行。(你好想飛?)諗緊完騷(7月演唱會)後可唔可以放假。(請女友嚟香港睇演唱會?)佢唔得閒,本來3月開騷都仲得。(有嘢緊要得過你?)佢個閨蜜結婚。(你開始綵排?)嚟緊閉關,最驚記舞步又要記歌詞。」

而Rock表示獻唱勵志歌曲《無證騎士》﹕「呢首歌創作係我寫照,我細個成日被人蝦,想保護身邊嘅人,但又唔夠人哋大隻同惡。(較深刻嘅欺凌係點?)試過被同學起飛腳碌落樓梯,返屋企唔敢同父母講,點知因為校服有個鞋印被揭發。」談到稍後將與文凱婷到馬來西亞為《聲夢2》海選演出,他表示:「我生日前出發。(粉絲提早幫你慶生?)佢哋約咗我,不過相信正日生日只係對住文凱婷。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能