何洛瑤Sica神還原Avantgardey《打雀英雄傳》影片 網民激讚兼獲本尊稱讚

日本人氣舞團Avantgardey近日訪港，除咗為新春花車巡遊表演之外，亦有喺酒店、商場、海傍及與著名玄學家麥玲玲師傅跳舞，當中歌神許冠傑《打雀英雄傳》作歌曲背景嘅跳舞短片最為貼地，獲得網民激讚。而熱愛跳舞又喜歡日本文化嘅MakerVille旗下藝員兼歌手何洛瑤Sica，近日就著上類似嘅服飾，拍片神還原Avantgardey舞步及表情，除咗引起網民熱烈討論之外，連Seira@Avantgardey都喺IG限時動態分享兼大讚佢。

Avantgardey喺日前（15日）上載一條以歌神許冠傑《打雀英雄傳》作歌曲背景嘅跳舞短片，並由4位成員繼續以誇張表情及舞蹈演繹，結果獲網民大讚搞笑兼夠晒誠意。Sica近日就著上類似嘅服飾，模仿Avantgardey成員嘅表情及舞蹈，跳出《打雀英雄傳》cover版本，Sica仲後期製作，將自己造成3個分身，可以話係誠意十足。

影片出街後，唔少網民紛紛留言激讚Sica嘅神還原，例如「你地漏低咗個隊員喺香港喎」、「瀨低左個喺香港」、「99% 相似」、「sica其實幾可愛」、「你話佢唔係團員都冇人信」、「sica快d入隊啦」、「笑死一樣樣」、「真係好似」、「第二十名團員敲定」、「完全冇違和感」、「Avantgardey 最後一塊拼圖」、「可以入隊了」、「叫你模仿唔係叫你超越」、「維肖維妙！」及「正呀喂」等等。另外，連本尊Seira@Avantgardey都有將Sica影片轉載到個人IG限時動態分享。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！