余迪偉信箱：有種浪漫叫Holiday Romance

Cosmo

2015年2月15日下午11:09

余迪偉

Hi 迪偉

我上年向英國12月時識左個男仔，咁一個月左右就返左來香港，一直都有連絡。大家都好鍾意對方. 佢仲同我提起過關於結婚的事. 開始時日日傾. 我本來話我五月會返去幾個星期的. 佢一直都好開心, 佢plan左好多野, 但因為我返左份新工, 咁我就話唔返得住. 我見到佢係唔開心的. 跟住過左一個星期, 我打比佢, 佢一聽個電話就cut線. 我angry到send左個text 同佢講, 唔keep in touch就算，佢都冇再覆我。

直至兩個月後, 佢又來找我. 我都冇點理佢. 收尾因為一D事情就開始返講野。佢同我講佢仲係好鍾意我, 好掛住我. 但覺得我唔係好鍾意佢, 同埋對佢唔係認真. 所以佢唔開心. 佢話佢真係認真的，咁我之後十一月返左去英國有D事. 咁結果向英國的時間都係向佢度住. 佢叫我留向度唔好走, 但係我要返工，佢又話如果我唔鍾意英國, 佢過多幾年佢都會搬去第二個國家. 佢唔想我唔開心。

向同佢住既兩個星期, 佢對我好好，生活上照顧我，半夜去完廁所凍，半醒睡佢都會攬住我問我係唔係好凍，去街都係佢比錢, 連早上起床返工都會望住我刷牙。佢返工好忙好大壓力，日日6點幾起身, 6, 7 點放工。星期六日都要返工寫report，仲要成日開車去唔同地方. 仲有要準備4月考chartership...但佢有時放工都會book定飛同我去睇戲。仲有，佢連電腦密碼都會比我，銀包比我攞去比錢。

返來前因為佢剛mock chartership exam, 所以佢壓力好大都冇好好傾過. 佢話佢考完試4, 5月左右會過來香港睇我。

我返到來, 唔知點解, 佢冇主動找過我, 我知佢忙, 我都係一個星期找佢一到三次. 有次我約時間skype, 一直都冇覆, 我有少少發佢脾氣, 話明白佢好忙, 叫佢忙完再找我, 我唔會再text佢. 佢同我講Sorry, 話因為戈幾個都好忙, 去左london...咁我冇理左佢10日, 佢中間冇找過我, 我咪問下佢點, 話掛住佢, 問佢几時得閒講野. 佢一直唔覆我. 我打比佢, 佢唔接. 我問佢係唔係出左事, 佢接左hello(好惡)一聲就Cut我線. 我問佢發生乜事, 佢都唔應我，到而家兩個星期了. 我真係唔知做乜。

1) 我諗, 佢唔會係欺騙我感情掛

2) 我都幾肯定佢唔會係有其他女仔

3) 人地話佢嫌我煩, 但我一星期都係找佢1至3次...咁都煩? 每次都係問how are you? 同埋講下近況同話miss you呢類topic

4) 人地話佢mad at me, 但我都唔知佢angry D乜. (佢脾氣可以好臭...係生人勿近...)

我而家完全係唔知發生咩事

謝謝你!

Yan

Yan,

先答你的問題：

1）相信他沒有全心欺騙，因為若說是欺騙，那太簡單化這種關係了。（下文再詳述）

2）這根本不重要。

3）若然是真心愛，他會希望你更煩。通常有愛的話，不眠不休去傾電話都不煩；沒有愛時，想起對方都嫌煩。若他有心想維繫這段關係，忙極都可以告知你他在忙吧。

4）你不知他可能生甚麼氣，便不要去猜。他脾氣壞不代表可以不理你的感受。

我看來，這段「感情」，不是異地戀，是 holiday romance。他在你面前時，千依百順、呵護備至；但過眼後，又變成雲煙。那怎會是戀愛呢？

有些人，當他們對你好時，並不一定是愛上你。很多時只是愛上會對你無微不至的自己，即是戀上自己戀上你的感覺，明嗎？其實完全沒有戀上你。他愛上看到你被他的「冧」功，氹得如癡如醉的樣子，從而自己享受、滿足。所以當你不在他身邊時，他便找不到這種可以製造「高潮」給自己的機會。我相信這點他自己也未必理解，因為他，已被這種其實是極度自私地戀上自己的感覺薰陶、洗了腦。

有些人在我們生命中出現，是一個教材，教我們如何學懂放下、放手。

余迪偉上

---------------------------------------------------------------------------------------

戀愛問題天天多？假如你有感情問題，歡迎e-mail到cosmo@scmp.com，subject 註明迪偉愛情信箱，一經選中，迪偉會親自回信解答你的戀愛謎團。

作者Profile: