環球趣聞|疫情停駛3年 東方快車重新出發 旅客感興奮
曾經成為唔少電影及小說主題嘅東方快車(Orient Express),因為肺炎疫情,過去3年一直停駛,隨著近期全球各國開始開放旅遊,列車亦重新開動,剛完成一個5天旅程呢!3年後重啟首個旅程為5天奢華遊,由巴黎出發經匈牙利布達佩斯、羅馬尼亞布加勒斯特、保加利亞瓦那、土耳其艾迪尼,最後抵達終點伊斯坦堡。
為隆重其事,列車抵達伊斯坦堡時,更安排好當地樂隊打扮成鄂圖曼帝國「新軍樂團」迎接列車呢。東方快車由16節車廂組成,包括9個臥舖車廂,其中包括2個休息區及3間餐廳、1間酒吧。東方快車公司其實早於去年5月已經計劃今次行程,只係因為疫情一直反覆最後先決定於近日正式出發。東方快車歷史悠久,於1883年開始行駛,主要乘客都係政要、達官貴人、王室家族等,多年來帶動經歷地點嘅旅遊業發展,更係唔少創作嘅源頭,最出名當然係1934年出版,由美國作家所著嘅《東方快車謀殺案》,多次改編成電影呢。其實除今次肺炎疫情之外,亦曾於世界大戰時期停運呢。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: