傳與富二代甩拖 龔嘉欣:享受一個人!

東方日報
·1 分鐘文章
向來愛得低調的龔嘉欣,直言將事業放在第一位。
向來愛得低調的龔嘉欣,直言將事業放在第一位。

龔嘉欣近年於事業上拚搏,希望坐上視后寶座,當中劇集《殺手》的女殺手一角更被睇高一線!雖然一直有傳她與富二代拍拖,更傳出結婚,但她一概否認,強調享受一個人的時間。

現年30歲的無綫藝人龔嘉欣向來愛得低調,身邊好姊妹陳凱琳、譚凱琪相繼結婚生仔,但她表示不心急,着重事業多於一切。處於搏殺期的她,不甘心就此結婚做少奶奶,之前更揚言向視后進發,望事業更上一層樓!

「好多目標未達到」

去年傳出她與30多歲的馬來西亞富二代拍拖,對方更打本給她做火鍋生意,但近日有指二人經常分隔兩地,感情難以維繫,戀情告吹!對此,龔嘉欣昨日受訪時說:「我哋一路只係朋友關係,我好享受依家一個人嘅時間,對我嚟講,做嘢一定係最緊要,我仲有好多目標未達到,所以會更加專心喺做嘢方面,唔會令大家失望。」

否認減產推劇

剛拍畢劇集《香港愛情故事》的她,最近又為新劇《金宵大廈II》作準備,對於被指減產並推掉監製陳維冠作品《七公主》,她說:「監製之前畀咗《殺手》中嘅Dark Angel角色我,個角色咁好,佢再開劇當然爭住做,又點會推!」

【相關搜尋】龔嘉欣鄧健泓分手