傳邱淑貞大女 「最美星二代」沈月將以藝名Ayla喺韓國出道

唔少星二代都遺傳父母優良基因，被封「最美星二代」嘅邱淑貞大女沈月五官標緻，樣子又甜美，被指外貌與身型都有住媽媽後生時嘅影子，特別受外界關注。近日有報道指沈月喺韓國已經逗留兩個月，並即將以藝名「Ayla」喺當地正式出道。

現年20歲嘅沈月，喺2019年與媽媽邱淑貞出席巴黎名媛舞會，當時嘅粉紅晚裝造型嬴盡全場焦點，亦被貫以「女神接班人」之稱。一直活躍於社交平台嘅沈月，不時上載造型照、雜誌封面及拍攝廣告等等到社交網站與網民分享，可見佢已經成為國際品牌新寵兒。另外，沈月亦曾透露自己鐘意唱歌和跳舞，有興趣出道做藝人。有報道指沈月已經喺韓國逗留兩個月，早前佢喺韓國出席首爾時裝周及DIOR 2022時裝展，期間與多位韓星合照及與男團Super Junior成員金希澈見面，而韓國傳媒亦以Ayla嚟稱呼佢。

至於佢嘅改名原因，有指內地已經有人氣女星沈月，而韓國亦有同齡女生叫沈月，為免同他人撞名，所以佢決定改用藝名Ayla。佢早前亦已經解釋新名字嘅意思，四個英文字分別代表冒險（Adventure） 、青年覺醒（Youthquake）、愛（Love）及一點點創意（A little bit of creativity）。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！