傳醫院引入內地抗生素惹議 網民:而家有乜唔係大陸製

【on.cc東網專訊】瑪麗醫院日前傳出處方內地出產藥物,包括止痛藥及胃藥等,引起市民對藥效安全的憂慮。今日(10日)再有網民於Facebook群組「公務員secrets」反映,聲稱從醫護得悉並爆料,指新界某間醫院正在使用國產抗生素,惹人熱議。

網傳圖片可見,涉事抗生素由國藥集團致君(深圳)製藥有限公司所有生產,有網民留言指,「嘩,唔係嘛,必理痛都算,仲要抗生素都用國產,抗生素喎,先頭部隊喎!香港使唔使攪成咁啊,大陸醫院都有得揀畀多啲錢打外國針同藥」。但亦有網民表示無妨,表示「抗生素,邊度做分別唔大」、「打左嘅,病人都未必知」,甚至有人明言,「而家有乜嘢唔係大陸做吖?你今晚食嗰條菜心都係大陸出品,唔通又搵你嚟試菜咩」,似乎對國產藥來者不拒。

上周二(5日)瑪麗醫院傳處方內地藥物時,醫管局曾表示藥物品質及安全是當局採購藥物的首要考慮,但若因疫情嚴峻導致個別藥物供應緊張,局方或會從不同地區進口採購合約以外的藥物。更有醫生明言醫管局在比較質量及價錢後,通常「邊度平買邊度」,故是次傳出新界某醫院選用國產抗生素確不稀奇,但可反映市民似乎仍對國產藥的成效有所憂慮。

【更多即時新聞詳情請上東網新聞

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能