傳ERROR將於11月開騷 陶大宇獲邀做嘉賓?

ERROR
ERROR

ViuTV人氣男團MIRROR將於7月、8月舉行首個紅館演唱會,掀起全城搶飛熱,絕對係一票難求!而ViuTV另一宇宙天團ERROR曾多次透露有開騷計劃,最新有網媒報道指ERROR將於11月假九展Star Hall開騷,仲好有機會邀請陶大宇做嘉賓添呀!

較早前,ERROR成員保錡模仿陶大宇風格唱《倒轉地球》成網上熱話,日前再喺社交網站上載二人嘅合照,並大賣關子話:「終於可以同大宇哥合作好開心又好激動真心要學習他的態度究竟我們會合作什麼?大家估唔估到先?唔知有冇機會合唱一曲呢?」,令唔少網民好奇及期待佢哋合唱,不過其實佢哋係為ViuTV節目《爆谷一周》錄影,而保錡就趁機會邀請陶大宇做嘉賓。根據網媒報道指ERROR四子將於11月舉行一個有唱歌又有talk騷嘅談唱會,陶大宇接受傳媒查詢時唔小心洩露口風,指保錡透露喺11月開騷,並邀請佢做嘉賓,而陶大宇就答應話好,ERROR夠膽搵佢,佢就會去,不過佢就話要睇下嘉賓要做啲咩嘢,如果同佢哋一齊跳舞就駕馭唔到,如果係crossover嘅話就可以,因為佢話自己唔係音樂人同歌手,自己主要係拍嘢為主。

保錡 & 陶大宇
保錡 & 陶大宇
ERROR
ERROR
ERROR
ERROR
ERROR
ERROR
ERROR
ERROR
ERROR
ERROR
ERROR
ERROR

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能