入島日本喇!｜「性感擔當」沈殷怡浸溫泉畫面惹期待 網民：真係好識做

ViuTV旅遊節目《入島日本喇!》由沈殷怡（Shirley）、和泉素行、王頌茵（Kathy仔）主持，主要係帶觀眾走訪日本嘅離島探索新奇好玩嘅地方。

節目唔經唔覺已經播咗幾集，和泉素行同Kathy仔已經去咗五島列島了解製鹽過程、中通島食箱河豚及參觀軍艦島等等，唔少網民都認為節目組用心，唔係淨係介紹日本嘅最新食玩買地方，而係真係帶觀眾去睇另一面嘅日本；同時認為和泉素行同Kathy仔互動嘅化學作用不俗，令佢哋睇得好開心。

另外，唔少網民非常期待沈殷怡嘅出場，作為ViuTV「性感擔當」嘅Shirley，憑甜美樣子和弗爆身材備受注目，佢除咗不時喺社交網晒性感泳照之外，亦有喺《海女日記》及《美女郊遊遊》等節目大晒天賦本錢，所以當網民知道《入島日本喇!》有佢浸溫泉嘅畫面後，都紛紛留言表示期待，「SS三點式」、「冬天拍嘅節目 SS都可以畀到好嘢大家睇 真係好識做」、「SS節目好睇」及「LM睇SS浸温泉 不得了」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！