【內地播完成年】 劇集《無間道》將緊接《溏心風暴3》出街

image

2003年電影《無間道》紅遍全球,當時紅到連荷李活都要買版權翻拍。就由嗰時開始有關警察與卧底嘅電影、電視劇多到泛濫。於2016年內地視有關部門合作翻拍網劇版《無間道》,搵咗羅嘉良、羅仲謙、劉松仁、廖碧兒及蘇麗珊等擔任主角。劇集國語版已經喺16年12月開始播放,而無綫就會喺1月22日緊接《溏心風暴3》檔期播放。

觀眾應該好擔心邊個飾演劉德華和梁朝偉嘅角色,其實劇情唔係一模一樣,而且電視版同電影版未必有太大關連,所以大家都唔洗太擔心。另外,觀眾又會諗劇集由前無綫藝員同製作班底拍攝,會唔會拍得唔好,但監製梁家樹講明一定唔似平時嘅無綫劇。而且電視版《無間道》製作成本超高,每集過百萬拍攝,更以4K拍攝技術進行製作,於香港、深圳及泰國取景,絕不馬虎。希望今次會帶俾香港觀眾驚喜喇!