內地醫生竟然同邱淑貞撞樣 網民：比她女兒還像

現年53歲嘅昔日性感女神邱淑貞，結婚後專心相夫教女，甚少在幕前出現。而其大女沈月五官標緻，被指外貌與身型都有住邱淑貞後生時嘅影子，近年更成為追訪目標。近日，內地官媒「人民網」喺微博上傳一條關於教網民點樣科學飲水嘅短片，片中嘅醫生竟然同邱淑貞撞樣，甚至有網民話被沈月仲要似。

短片主要係教網民點樣科學飲水，佢哋請嚟重慶醫科大學附屬第二醫院臨床營養科主治醫師周勤講解，醫師周勤身穿醫生袍，留着及肩嘅短曲髮，樣貌同邱淑貞激似樣。短片出街後隨即引起內地網民熱烈討論，除咗大讚佢靚女同可愛之外，仲紛紛留言話佢同邱淑貞好似樣，例如「醫生長的好像邱淑貞」、「同感，我第一眼也看成邱淑貞」、「真的好像邱淑貞啊，三觀跟着五官走了，我要去重慶掛號看營養科」、「確實好像，臉型眼睛還有嘴巴」、「這也太像邱淑貞了，比她女兒都像」、「我以為是邱淑貞是我們講如何喝水呢。原來是漂亮的醫生小姐姐」、「真的好漂亮好像邱淑貞，完全正中我的審美點」、「邱。。邱淑貞?！」及「比邱淑貞女兒好看多啦」等等。唔知大家又覺得佢哋似唔似樣呢？

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！