全民造星4︱何佩/燒賣/莎莎冇得留低 新一輪賽制設「死亡名單」好殘忍

《全民造星IV》截圖
《全民造星IV》截圖

ViuTV選秀真人騷《全民造星IV》進行得如火如荼,上星期五完成第二回合淘汰賽,評判們率先淘汰五名參賽者,包括Emiko(徐嘉蔚)及Ash(鍾卓穎)。喺噚晚(29日)最新一集便公布剩餘15名淘汰人選,當中不乏深得網民喜愛及有實力嘅參賽者,包括「女版Ian」何佩、燒賣、莎莎及Carina等等。

噚晚喺展開新一輪小組對決前,落敗兩輪比賽嘅A組需要淘汰6位參賽者,落敗三輪比賽嘅B組就要淘汰9位人選。A組導師許廷鏗就選出Jade Chan(陳景晴)、Vicky(林泳怡)、何佩(何佩婷)、Tania(陳紀澄)、Mei Mei(曾美欣)及阿Yo(郭曉妍);而B組由導師梁祖堯就選出燒賣(曾業喬)、鐵鐵(歐卓瑩)、Miko(任佳慧)、Carina(李晞彤)、蘇菲(陳莉詩)、Sarah(楊芷程)、莎莎(坂部佩莎)、Jolin(溫彩玲)及Ling(謝裕鈴),40強正式誕生。淘汰名單公布後,唔少網民都感到驚訝,紛紛留言討論,及鬧爆梁祖堯,例如燒賣被foul嘅原因係學業問題及得唔到家人支持。

另外,第三回合淘汰賽(40強進30強)亦喺噚晚開始,今次同樣係A組與B組進行5輪對決,不過賽制就唔相同,就係導師喺比賽前已經揀選每一組邊位成員會被foul,落敗嗰一組會即時淘汰嗰位成員。經過5輪小組比賽後,場數輸得較多嗰一組,導師需要額外揀選5人被淘汰。而喺比賽前,花姐(黃慧君)更當眾宣布呢份「死亡名單」,賽制非常殘忍。

第三回合淘汰賽搵嚟伍仲衡、陳健安(安仔)、吳雨霏(Kary)卓韻芝及陳詠燊擔任評判,而首輪小組對決就係由A2組對B1組。先出場嘅A2成員包括阿蛋(黃詠霖)、Candy(王家晴)、Ashi(曾善婷)及Kinki(盧芷韻),而阿蛋係被列入「死亡名單」,佢哋以話劇形式表演歌曲《我好得閒》。而B1組就由Hannah(陳玉幸)、方方(方芷欣)及馬欣(馬彩欣)組成,Hannah被列入「死亡名單」,佢哋今次嘅表演集唱歌、跳舞及演戲於一身,期間特意安排馬欣甩step,令人驚訝。喺今晚佢哋就會進行指定項目嘅表演,究竟係阿蛋定Hannah可以留低?今晚自有分曉。

《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!