雅虎香港新聞 全港首創Hello Kitty Green Living。有機及綠色零售店
早前我在Facebook預告過將介紹的Hello Kitty Green Living，瀏覽率好高，相信唔少女士都好有興趣。
Hello Kitty Green Living是全港首個以Hello Kitty 為主題的有機及綠色零售店，產品均是有機，天然而且有認証，材料選自世界各地。
產品涉獵範疇很多，包括：護膚品，曲奇，米，蜜糖，醋，果茶，醬汁，沖劑，種子，飲品等等，可以話係一間Hello Kitty的有機綠色生活百貨店。
店內裝潢都經過精心設計，用上木櫃，盆栽，石地的建材擺設，再刻上Hello Kitty的標誌，充斥住田園風味，非常舒適。
仔細留意，會發現兩隻未見過既Hello Kitty，左邊的係農���，右面黑蚊蚊的係稻草人。
故事係Hello Kitty農夫在田園辛勞耤種，為左唔想俾昆蟲雀鳥侵食農作物，自己就化身為稻草Kitty嚇走佢地，搞到自己曬到變左炭頭。
店主真係好有心思啊～
等我同大家介紹下店內各項產品啦～
女士們最有興趣當然係Skincare產品，產品全天然兼且印有Hello Kitty logo，好夢幻呀，每日番工化妝前用佢地，一定會醒神Ｄ姐～
Skincare皇牌產品有潤唇膏。
以及特別推介呢款玫瑰日霜，質感好舒服，而且玫瑰味很天然，有多種修復功效。
每件護膚品都有certificate標示成分，產地來源等資料。
食品方面，推介呢款天然手工雜錦曲奇，以有機麵粉及酵母製作，是與西貢某間著名餅店合作，每天新鮮包裝。
主食糧方面，有各款麵條及糙米。
買米更附送Hello Kitty絹布及筷子，包裝成和式禮盒，夠哂特別。
飲品方面，有各款健康天然沖劑，好似小麥胚芽粉，高鈣杏仁粉，芝麻粉等等。
推介呢款山藥紅薏仁粉，對女姓保健甚有益處。
飲用醋都有好多款，有特別Ｄ既牛蒡醋，各類果醋。
還有大支和細支裝揀，好經濟實惠。
各款蜜糖包括龍眼蜜，百花蜜，荔枝蜜，味道各有不同，有大有細，總有一款岩你。
所有食用產品，同樣地都有天然認証，公開透明化產地來源及成分，自然安心好多。
有各款花茶，其中較特別的有呢款有機朱古力士多啤梨水果茶，開蓋已經聞到香味。
還有即開即飲既果汁，豆漿，亦有少量有機水果及蔬菜出售。
較罕見既有呢款有機薑黃鳳梨汁，有機紫蘇洛神汁，配搭較新穎。
講到有機天然，當然有多款有機種子賣啦～
有唔少較特別既��子，好似呢款有機三色椒。
連花盆都係一絲不苟的，採用竹纖維製造，能於自然界100%自然分解，透氣性好，令花草易於生長。
買花盆更附送有機泥一份，非常方便。
新年期間，有幾款禮盒可供選擇。
除左禮盒既產品，我更想要既係個滕箱子，去野餐一流呀～
漏左一點好重要既，Hello Kitty Green Living有駐店營養師解答大家問題，認住圖中位靚仔，就可以問得清清楚楚喇～
Hello Kitty Green Living地址：尖沙咀彌敦道54-64號美麗都大廈地下46號舖 (K11對面)
Hello Kitty Green Living專頁：按此
Hello Kitty Green Living電話：2555 6018
希望大家鍾意今次分享，記得Like我專頁呀！
Facebook專頁：獨家村～
聯絡電郵：please.contact_me@yahoo.com
以上所有內容：真實分享
以上所有相片：由Canon PowerShot N100拍攝
本文還刊登於：Blogspot；she blog；Elle blog；U blog；WeShare；ESDlife
作者: 獨家村
