六四｜維園燭光集會場地變同鄉會嘉年華 入場須安檢 藍帽子裝甲車戒備

今年是六四 34 周年，維園第四年沒有燭光集會。過往舉行燭光集會的維園足球場及草地，今年換上由各個社團舉辦的「慶回歸家鄉市集嘉年華」，活動開幕日（6月3日）吸引逾千人冒著烈日掃平貨，以長者居多。市民入場前需經安檢，場外有藍帽子警員及裝甲車戒備。對於此處曾經是六四燭光集會場地，受訪市民則稱「唔清楚、唔參與」。有祖籍海南市民大灑金錢「撐鄉下」購買十隻海南雞，亦有市民認為六月份天氣炎熱、亦有機會打風，「市集應該安排喺年尾好啲」。

「慶回歸家鄉市集嘉年華」於6月3日至5日舉行，由多個社團聯會舉辦，當中包括香港廣東社團總會、香港福建社團聯會、香港廣西社團聯會、香港浙江省同鄉會聯合會等，宣傳海報標榜「家鄉味、家鄉情，家鄉市集平靚正」。嘉年華於6月3日早上10時開放，至6月5日結束。

《Yahoo新聞》記者於現場所見，警方於銅鑼灣地鐵站對開沿路至維園均有「藍帽子」駐守，維園內亦有警員巡邏。至於天后主入口除警員巡邏外，附近亦有警車及佈防，包括去年引進的內地製新裝甲車「劍齒虎」，該車配備多孔發射器及先進攝錄系統。

嘉年華入場費5元，只限八達通繳費。主入口設於近天后一方，入場人士若於銅鑼灣方向入口進場，亦須步往天后方向主入口。兩邊入口均設置安檢區，市民需打開手袋作安檢。天氣炎熱，不少長者攜傘入場，安檢處職員急稱「收遮！收遮！」長者短暫收起雨傘，通過安檢後便重新「開遮」。

50元一箱海帶送白米 師奶高呼：好抵！

早上至中午高峰期有逾千名市民入場，部份更「拉車仔」掃貨。入場市民符太與朋友甫到場，就花近千元掃貨，身為海南人的她，單是160元兩隻的海南雞已購入十隻，「可以放喺雪櫃冰格之後食」，再用50元買了一箱海帶，更送一公斤白米一包，與朋友一同高呼「好抵！好抵！睇啱就買」、「派畀啲親戚朋友一齊嚟」。她指因「團體擺上網」而得知此展覽，遠道由大埔而來，「有咩車搭返屋企都唔知，嚟咗先算」。雖然今日天氣炎熱，但她指「好值得嚟！」對於過往六月初維園有何活動，她指「我都唔清楚」，但現時有展覽「開心，我哋啲師奶仲開心」。

張姓夫婦約中午12時由元朗到場，張先生指「喺YouTube睇到呢度有展覽」。兩人並無計劃花費金額，「見到啱咪買」，購入不少湯料、菜乾、鹿茸菇、土豆麵，以及送白米的50元海帶。張生指價錢「都抵嘅」，作為廣東人，他笑言「自己鄉下啲檔口好似麻麻哋，其他嗰啲好似企理啲」，但亦有購入廣東黃皮乾。

曾為六四集會場地 掃貨夫婦：嗰啲我哋唔參與

兩夫婦受訪期間不斷用毛巾抹汗：「搞呢啲活動最好就係年尾啦！呢啲天時又打風又熱又翳焗」。對於維園曾舉辦六四集會，張指「嗰啲我哋唔參與」，今次來嘉年華「行多陣都走，太熱，要搵間餐廳坐下」。

今次活動非如工展會或美食展般囤積大量貨物出售，檔口只放出少量貨物樣本供入場人士選購。香港湖北社團總會安排在場人士登記成為會員，可獲派糭及「孔明菜」，不少長者均即場填表領取禮物。香港廣西社團總會則派發龜苓膏福袋，吸引過百市民排隊輪候領取。

場內有不少中國特色食品出售，包括已煮熟海南雞、普寧豆醬、廣西金嗓子喉寶、柳州螺螄粉、貴州茅台、老干媽辣醬等等。香港湖北社團聯會及香港四川社團總會，就有分別放置「荊楚編鐘」及大熊貓公仔擺設。

海南社團檔口半日賣500隻雞

香港海南社團總會出售20元一包「正宗潮汕肉丸」、160元兩隻海南雞及30元兩支蟲草原漿醬油，檔口擠滿市民選購。聯會負責人陳先生指銷情不俗，「今日返咗800隻雞，到中午已經賣咗500隻」，形容是批發價出售，強調「我哋都唔係志在賺，係想宣傳一下，夠皮費就夠，如果賣百三蚊就賺錢。」

香港廣西社團聯會則售「螺螄粉」禮盒，負責人Fanny指銷情大好，「桂林米粉開舖個鐘就賣曬」。近年香港的螺螄粉熱潮亦令$90十包的柳州螺螄粉禮盒相當受歡迎，「仲平過喺廣西買，因為畀大家認識吓我哋嘅柳州、我哋嘅廣西」。Fanny指自己來港逾30年，但「螺螄粉真係由細食到大」。

曾於「開心香港」市集由80元降價至40元的興化炒米粉，在今次嘉年華的「莆仙同鄉會莆田餐廳」再度登場，訂價40元一份。負責人Angel指「之前大會話訂價比門店平一半就得，我哋都唔知發生咩事，原來市集係唔同」。今次吸取過往經驗，稱米粉「落重料」，「加蝦加瑤柱加蟶子，都好夠料」。截至中午已賣出七盤，「頭先都有唔少人嚟買晏晝」。至於銷情方面，Angel稱是第二次在市集擺檔，「我哋都仲學習緊。」

台州同鄉會低於成本價促銷：慶回歸大家開心

香港台州同鄉會出售10元針織女裝帽、20元四盒餅乾等。副會長梁先生指生意及人流不俗，當中女裝帽及針織袋大賣，「見到天氣熱就賣畀啲市民，佢哋之後夏天都可以戴」，強調是低於成本價發售，「我哋唔係要賺錢，而係回歸26周年大家開心，同埋推廣吓鄉下特產」。

香港貴州聯誼會總幹事Cherry指，聯會在檔攤出售貴州茅台、貴州牛肉粉、老干媽辣椒醬等。當中老干媽辣椒醬銷情較好，「好多香港人都認識老干媽」，十多元一盒的貴州茶葉亦已售出數十盒，「你知啦我哋嘅主題就係平靚正」。

警務處長蕭澤頤及港島總區指揮官郭嘉銓率領數十名東區耆樂警訊、中區耆樂警訊、西區耆樂警訊成員到場參與活動，現場亦有「警隊禮品廊」出售警隊精品。

過去多年維園均會舉行六四燭光集會，今年為六四事件34周年，亦是六四集會第三年未有在維園舉行。翻查資料，警方於2021年引用《公安條例》封鎖維園六個足球場、籃球場、中央草坪與足球場的通道；2022年則由康文署以「防止有人進行未經批准公眾集會」為由關閉場地。