出道20周年2R拍片紀念 自爆當年為追星選擇喺香港出道

2R
2R

當年有傳為咗對抗Twins,環球喺2002年推出來自新加坡嘅靚女姊妹花黃婉君(Rosanne)和黃婉佩(Race)組成2R,出道後星途相當唔錯,係唔少人心目中嘅女神,不過佢哋早已淡出娛樂圈,並成為少奶奶,各自擁有幸福家庭。今年就係2R出道20周年,Rosanne同Race特意拍攝#2Reunion影片解答粉絲的提問。影片出街後,唔少網民都大讚佢哋keep得好好,凍齡有術及身材弗爆。

喺影片中,佢哋就表示因疫情相隔2年先再聚會。之後,佢哋就開始解答粉絲嘅提問,例如成為歌手係佢哋嘅夢想,自細好鍾意聽歌同唱歌,所以喺香港旅行時參加歌唱比賽。另外,佢哋話偶像係劉德華、王菲同張學友,所以認為做歌手嘅話就要嚟香港發展,仲話當時唔識繁體字同廣東話,所以用咗兩年時間日夜唱K苦練廣東話,而佢哋最懷念2R嘅就係兩姊妹可以喺埋一齊,同埋好懷念粉絲嘅湯水。

42歲嘅家姐Rosanne下嫁混血牙醫Derek並喺香港定居,婚後淡出娛樂圈,老公亦喺中環開設牙科診所,早前亦喺黃竹坑開設第二間牙科診所。已經係兩子之母嘅Rosanne,有個幸福家庭,專心相夫教子。而39歲嘅妹妹Race喺2005年下嫁新加坡富商陳靖諧,不過可惜4年後離婚收場。2016年與大佢19年嘅新加坡富商David結婚,現育有一女一子,生活幸福美滿。另外,Race近年亦同妹妹Rhonda創業,向商界女強人進發。

影片出街後,唔少網民大讚Rosanne和Race keep得好好,同以前分別唔大,仲話佢哋好靚女同懷念以前嘅日子。

影片截圖
影片截圖
黃婉君(Rosanne)和黃婉佩(Race)
黃婉君(Rosanne)和黃婉佩(Race)
2R
2R
2Reunion影片
2Reunion影片
黃婉君(Rosanne)和黃婉佩(Race)
黃婉君(Rosanne)和黃婉佩(Race)
黃婉君(Rosanne)
黃婉君(Rosanne)
黃婉君(Rosanne)
黃婉君(Rosanne)
黃婉佩(Race)
黃婉佩(Race)
黃婉佩(Race)
黃婉佩(Race)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能