前娛樂新聞台主播拍片親解TVB冇為《聲生不息》歌手加濾鏡及修音真相:佢理得你死咩!

前TVB娛樂新聞台主播曾西(Sisi)
前TVB娛樂新聞台主播曾西(Sisi)

由TVB與芒果TV合辦嘅歌唱比賽節目《聲生不息》日前已經播出第三集,唔少網民睇咗幾集都話TVB版本嘅《聲生不息》冇濾鏡同埋冇修音,比內地內地版本更加真實。前TVB娛樂新聞台主播曾西(Sisi)日前喺小紅書分享影片,除咗講做演員時要睇幕後工作人員臉色之外,佢仲親解TVB沒為歌手們後期加工嘅真相。

2020年離巢嘅前TVB娛樂新聞台主播曾西,不時喺小紅書拍片大講過往喺無綫工作嘅經歷。日前佢又拍片並上載到小紅書,講TVB版本嘅《聲生不息》冇濾鏡同埋冇修音嘅真相,一開始佢就已經話:「我這輩子是絕對不會再回TVB打工了,所以我今天才敢這麼跟你們爆料!」。佢就話《聲生不息》令TVB有少少揚眉吐氣,並話外界指TVB版本比芒果版本好,因為節目節奏快、冇修音及冇濾鏡,另觀眾睇節目時感覺更加真實。不過佢就爆出冇後期加工嘅真相:「因為嗰啲都唔係TVB嘅artist(藝人),佢理得你死咩!」

之後,曾西再指TVB嘅傳統只會保護「親生仔女」,唔會理其他公司嘅藝人:「你出醜我幹嘛幫你兜着?而且有的時候就算對自己台的人也下手特別狠,你們就看TVB的那些高清4K的電視劇,什麼卡粉、皺紋、毛孔一個個,全部一刀不剪全給你播出!」咁點解TVB唔會好似內地節目咁開滿磨皮濾鏡?曾西就話:「因為沒有藝人敢投訴,沒有藝人敢提出這個要求,在香港娛樂圈尤其是電視劇這一行,這幾年根本就是TVB一台獨大,如果這些演員不幫TVB拍劇的話,你幾乎冇工開冇錢賺,所以藝人們都是看TVB的臉色過活的,誰敢要求因為你一個人的形象讓公司整部劇去磨皮?『喂,大佬啊,你邊位啊?我當年拍劉華佢都要請我飲茶』 可以說(藝人)是非常卑微!」

曾西再講到自己曾經擔任過劇組茄喱啡,當時已經要睇所有幕後工作人員嘅臉色:「甚至連化妝間那些幫你梳頭化妝的哥哥姐姐們都要踩你一腳,你走進去這個化妝間的時候不會有人來招呼你的,不會有人理你的,你要自己看哪個椅子是空的,然後走過去問『哥哥得唔得閒可以幫我整頭?」然後對方就會話:「邊套劇啊?門口張form有冇你個名?」如果對方用眼神叫你坐下先可以坐,因為佢係唔會同你講個「坐」字,Sisi話令佢感到相當窒息,唔會再想踏入一廠嘅大化妝間一步。最後,曾西仍然感謝TVB俾佢一個見世面同長知識嘅機會,同時佢亦大讚TVB嘅高壓環境,因為可以鍛煉出業務能力好強嘅藝人們。

短片出街後,唔少網民都表示就係喜歡TVB冇修音及冇濾鏡,唔係好認同佢嘅講法,例如「難道要像內地一樣?捧着你嗎?演員本來就是一個工作呀,應該適應單位的制度呀!為什麼需要別的同事對你遷就呢?我就覺得很奇怪了。」、「哈哈哈但真的很喜歡tvb那種無濾鏡感覺 現在的電視劇濾鏡磨皮美顏太嚴重 看得人難受」、「我覺TVB這樣很真實」、「同埋唔修音同修圖真實啲唔好咩?個個變靚女歌王好咩?呢啲叫欺騙觀眾喎!」、「所以你覺得修成AI才是對歌手的尊重?」、「TVB的鏡頭才真實」、「你說的都是錯的」、「不磨皮真實點,大陸的磨皮磨得太假。。不好看」、「係丫係丫個個好似你咁鍾意睇埋晒啲假嘢又要磨皮又要修音嘅」、「可是我好喜歡這種真實的畫面」、「真實才好,內地磨皮100,看起來很假」及「濾鏡磨皮的戲怎麼看?全民審美變態」等等。

小紅書影片截圖
小紅書影片截圖
小紅書影片截圖
小紅書影片截圖
小紅書影片截圖
小紅書影片截圖
小紅書影片截圖
小紅書影片截圖
小紅書影片截圖
小紅書影片截圖
小紅書影片截圖
小紅書影片截圖
小紅書影片截圖
小紅書影片截圖
小紅書影片截圖
小紅書影片截圖
小紅書影片截圖
小紅書影片截圖
前TVB娛樂新聞台主播曾西(Sisi)
前TVB娛樂新聞台主播曾西(Sisi)
前TVB娛樂新聞台主播曾西(Sisi)
前TVB娛樂新聞台主播曾西(Sisi)
前TVB娛樂新聞台主播曾西(Sisi)
前TVB娛樂新聞台主播曾西(Sisi)
前TVB娛樂新聞台主播曾西(Sisi)
前TVB娛樂新聞台主播曾西(Sisi)
前TVB娛樂新聞台主播曾西(Sisi)
前TVB娛樂新聞台主播曾西(Sisi)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能