內地網紅「小黑妮」擁高顏值及模特兒身材 一口流利河南話極大反差

近日，一名具有中東面孔嘅河南美女「小黑妮」經營自媒體，拍攝許多河南農村生活嘅影片，其美貌、模特兒身材與一口道地流利嘅河南話形成極大反差，瞬間爆紅。

小黑妮身高170cm，體重40kg，擁有健康膚色，臉尖尖配合大眼高鼻深邃五官輪廓，顏值相當高，加上冷豔氣質被封「河南埃及艷后」，亦正正因為美貌與拍片時流利嘅河南話、又成日講「老表」、「我嘞老天爺呀」、「中不中」等種種反差感令小黑妮成為網絡上嘅討論對象，抖音擁有131萬粉絲。

小黑妮本名范梓鶴，為一名巴基斯坦孤兒，20年前河南一對夫妻遠赴巴基斯坦打工期間，決定領養范梓鶴及將佢帶回河南撫養長大。雖然生活簡單，家境亦唔富裕，但范梓鶴就覺得養父母從來無虧待過佢，亦用自己嘅方式好好愛佢。范梓鶴變成有人疼愛嘅小朋友，與河南村裡其他小孩一樣上學、打打鬧鬧、放假就幫養父母做農活，至今亦會於烈日下刨紅薯和摘花生。范梓鶴爆紅後就希望透過自己嘅努力令更多人了解河南農村嘅真實生活及愛上河南。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！