許冠文黃子華32年來首度合作新片《破．地獄》 唔搞笑講生死︳電影LOL

《毒舌大狀》破紀錄之後，唔少人都想知黃子華會拍套咩戲。日前英皇電影發布子華同另一位香港喜劇泰斗許冠文主演新片《破．地獄》 嘅海報，兩位演員背向鏡頭唔見樣，而場景就係香港獨有嘅喪禮燒衣及破地獄儀式，相信大家都唔會期望兩位喜劇演員今次合作唔係拍笑片啦啩……

電影公司形容《破．地獄》係香港影壇首部以殯儀業為題材嘅作品，故事以疫情肆虐生意蕭條為背景，講述被迫改行為葬禮經紀人嘅道生（黃子華飾），起初因理念不合與喃嘸師傅文哥（許冠文飾）產生好多衝突。面對特殊的逝者文哥、親歷文哥與女兒文玥（衛詩雅飾）相處的點點滴滴，道生對職業及生活的態度也慢慢改變。

其實《破．地獄》早喺今年一月已經開鏡，三月嘅影視娛樂博覽上都有公開宣傳海報，而內地版海報就同香港嘅概念唔同，見到許冠文同黃子華正面，二人並排而坐，子華著住黑西裝而Michael就著上長者風嘅唐裝，切何角色身份。

許冠文同黃子華可以話係幾代香港人心目中嘅喜劇代表 － Michael以電視節目《雙星報喜》、電影《半斤八兩》等作品瘋魔全港，子華就以楝篤笑起家由文化中心做到開紅館，《男親女愛》更令佢成功入屋。原來二人早於1992年已經合作，當時許冠文自導自演電影《神算》，搵子華做配角之外兼且擔任編劇。

兩代喜劇之王碰頭，子華話《破．地獄》導演陳茂賢當日俾套戲個大綱佢睇，佢頓時覺得執到寶！「我一直在想，香港有什麼獨特東西，值得我們跟全世界去講呢？我發覺，我們的殯儀業，正是全世界獨有，站在那裡都有一席之地！」。子華直情話決定接拍《破．地獄》係𦧲飯應。

更多電影文章

再繫「腦」朋友／我在這裡等你／鬼天廈／來世還作人／回憶的漩渦／12.12：首爾之春／來自汪星的你／劇場版 轉生成女性向遊戲只有毀滅 End 的壞人大小姐／屍咒︳電影LOL 今期睇咩戲

《九龍城寨之圍城》內地票房衝破5億人民幣 爬頭力壓主旋律片《維和防暴隊》︳電影LOL

蜘蛛仔湯賀蘭與黑人女演員合演《羅密歐與茱麗葉》被指唔襯 網民︰好似拳手互睥 ｜電影LOL

動物吸毒發狂變電影界瘋潮 《大毒Bear》之後再有take嘢人狼？︳電影LOL

荷里活藝人接連街頭遇襲 《酒私風雲》視帝Steve Buscemi日光日白被人打傷︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！