《九龍城寨之圍城》內地票房衝破5億人民幣 爬頭力壓主旋律片《維和防暴隊》︳電影LOL

《九龍城寨之圍城》香港收得，上映至今票房已經迫近6千5百萬，好大機會成為今年華語電影票房之冠。早幾日《九龍城寨》原著作者余兒宣布，《九龍城寨》將會多拍2套系列電影《龍頭》及《終章》，同小說一樣組成三部曲。

有信心開多兩套，當然因為票房。香港以外，《九龍城寨之圍城》喺內地五一檔期全國上映，成績同樣唔輸蝕。今年三套五一檔本土大製作電影當中，《九》至今（20日）上映20日，全國收近5.5億元人民幣（下同）排第二。冠軍係喜劇《末路狂花錢》，至今收6.14億元。而季軍係主旋律片《維和防暴隊》，至今票房接近5億元。

若果以內地戲院排片數量作為院商信心指標的話，《九龍城寨之圍城》係三套之中最少，畢竟港產電影始終口味上未必適合大江南北，而《維和防暴隊》有內地人氣頂流王一博加持，至於喜劇嘅《末路狂花錢》亦係放假消閒之選，所以2套國產片排片數量比較多，差不多佔五一檔前幾日嘅4成半至一半。而《維和防暴隊》喺五一檔頭幾日成為票房之冠，《九龍城寨之圍城》排第三。

但係《九》靠口碑造起聲勢，喺華南地區戲院入座數更加強勁，令院商開始轉軚；而《維》食完頭浸之後，觀眾反應似乎未能帶更多人入場，此消彼長之下《九》開始逆轉反擊，終於超越《維》搶上亞軍。

睇返內地豆瓣網評分，《維和防暴隊》只係得到平均5.3分評價，相當一般。網民認為演員表現尷尬，劇情零碎，即使部份場面可觀但都救唔到幾多。反觀《九龍城寨之圍城》喺豆瓣就有7.4分評分，俾最低一星兩星嘅觀眾只有大約百分之5左右。即使好多電影都做唔少網上口碑宣傳，但似乎電影質素始終係成敗因素之一，希望之後2套《九龍城寨》可以繼續高質繼續大賣！

更多電影文章

再繫「腦」朋友／我在這裡等你／鬼天廈／來世還作人／回憶的漩渦／12.12：首爾之春／來自汪星的你／劇場版 轉生成女性向遊戲只有毀滅 End 的壞人大小姐／屍咒︳電影LOL 今期睇咩戲

蜘蛛仔湯賀蘭與黑人女演員合演《羅密歐與茱麗葉》被指唔襯 網民︰好似拳手互睥 ｜電影LOL

動物吸毒發狂變電影界瘋潮 《大毒Bear》之後再有take嘢人狼？︳電影LOL

荷里活藝人接連街頭遇襲 《酒私風雲》視帝Steve Buscemi日光日白被人打傷︳電影LOL

《馴鹿寶貝》原型癡女受訪爆劇情造假 考慮告Netflix誹謗︳電影LOL

唔介意拍《生死時速3》 珊迪娜布洛︰死之前要同奇洛李維斯再合作 ︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！