【劇透】《殺手》重要角色將陸續慘死 唔止謝東閔係殺手獵人仲有佢?!

·1 分鐘文章
謝東閔
謝東閔

無綫劇集《殺手》接近尾聲,劇情開始愈來愈緊張,本來佛爺(李成昌飾)死咗以為天下太平啦,點知經理人鐵仁(歐瑞偉飾)無辜被殺,之後清道夫森森(高海寧飾)嘅拍檔阿蕃(易智遠飾)亦被殺死,好彩當時森森手持鐵剷掙扎,否則佢都會死。

《殺手》截圖
《殺手》截圖

雖然森森認唔到邊個係「殺手獵人」,但網民話睇身形同對眼已認到係Parker(謝東閔飾),而噚晚預告終於露出「殺手獵人」嘅真身啦!黑化嘅Parker愈來愈兇殘,多個重要角色將會陸續遇害,好似蘇菲亞(羅蘭飾)同小秉(林景程飾)都將會被殺。Parker捉走Cash(李佳芯飾)嚟威脅Zero(陳豪飾),另外,因為佢之前殺佛爺失敗,所以又想搵Dark Angel(龔嘉欣飾)報仇。由於小秉就係無辜被殺,閻武(黎耀祥飾)將會狂操自己,操到六舊朱古力腹肌,返到當日殺手之王嘅狀態幫小秉報仇。

不過噚晚預告蘇菲亞(羅蘭飾)指「殺手獵人」唔只一個,喺網上亦流傳殺手獵人組織名單,當中包括Parker、閻素之(麥明詩飾)及殺手獵人經理人淑嫻(江美儀飾)。相信大家都有好多疑問,例如阿之係點殺人,而佢係咪想搵老豆閻武報復,同埋淑嫻又捨唔捨得殺閻武等等。如果大家想知嘅話,就記得睇埋落去啦!

《殺手》劇照
《殺手》劇照
《殺手》劇照
《殺手》劇照
《殺手》劇照
《殺手》劇照