雅虎香港新聞 
卓林孖女友公開半裸甜蜜照 網民：造型有啲難接受…
藝人吳綺莉女兒吳卓林同女友Andi一直都係傳媒焦點，上年底卓林就同Andi去加拿大開展新生活。最近，卓林同女友Andi就喺個人社交網公開放閃晒半裸照，引起網民熱議！
撰文：東方新地｜圖片：Instagram
延伸閱讀：
卓林孖女友公開半裸甜蜜照
吳綺莉女兒吳卓林同女友Andi一向行為出位，近日卓林同女友頻頻喺個人社交網放閃，但造型上就唔係個個都接受到。皆因卓林上載同Andi嘅半裸相中，二人造型獨特，不但半裸上身，臉上更貼有紋身貼紙兼戴上多條金頸鍊，Andi仲戴上兩個大耳環！
🔹 Feeling Versace @versace #versace 🔹
A post shared by *:･ﾟ✧UCHU×2✧ﾟ･:* (@uchux2) on Sep 28, 2018 at 10:53am PDT
🔹 💙💙 🔹#versace #bluehair #neovaporwave
A post shared by *:･ﾟ✧UCHU×2✧ﾟ･:* (@uchux2) on Sep 30, 2018 at 12:26pm PDT
睇啲相，見到佢哋兩個攬頭攬頸Chok到爆，雖然唔知呢幾張半裸相有咩名堂，不過就貫切佢哋兩個一向大膽出位嘅個性！
🔹 current mood: @versace 🔹#versace #versacemakeup
A post shared by *:･ﾟ✧UCHU×2✧ﾟ･:* (@uchux2) on Sep 30, 2018 at 12:15pm PDT
A post shared by Etta Zen (@ettazen) on Oct 6, 2018 at 6:08pm PDT
卓林爭取曝光率？
以上輯相就唔知大家接唔接受到，不過佢哋昨日又再度放閃，今次就著番件衫出去嘉年華會。 見到卓林同女友染個淺藍色情侶頭，再加上一身情侶裝，閃盲眼程度高達滿分！
#carnivaldate #candyapple #cottoncandy #carnival 💙💖
A post shared by *:･ﾟ✧UCHU×2✧ﾟ･:* (@uchux2) on Oct 7, 2018 at 6:38pm PDT
A post shared by *:･ﾟ✧UCHU×2✧ﾟ･:* (@uchux2) on Oct 7, 2018 at 6:43pm PDT
二人梗係唔少得要挨埋一齊合照啦！你睇佢哋兩個個樣冧到，相信卓林喺加拿大生活都應該幾開心啦！
#carnivaldate #candyapple #cottoncandy #carnival #babypink #babyblue 💙💖
A post shared by *:･ﾟ✧UCHU×2✧ﾟ･:* (@uchux2) on Oct 7, 2018 at 6:39pm PDT
據知，卓林同Andi早排一齊開咗間多媒體創作公司，可惜公司由開業至今都仲未引起大眾關注，同時亦冇盈利可言。有見及此，未知卓林上載同女友嘅合照係咪想企圖爭取更多嘅曝光率呢？
Uchu hause studios coming along ! #uchuhause #studio
A post shared by Etta Zen (@ettazen) on Sep 19, 2018 at 2:12am PDT
"Partners.in.Justice" #familyportrait
A post shared by *:･ﾟ✧UCHU×2✧ﾟ･:* (@uchux2) on Sep 23, 2018 at 12:29pm PDT
卓林與女友Andi現身加拿大
吳綺莉與女兒卓林關係時好時壞，卓林之前更拍片表示「我要找爸爸媽媽」，仲疑似試過淪落街頭。至於卓林女朋友Andi，比較熱愛可愛風，喺佢個人社交網上所有相都幾乎遍佈粉紅色調，認真夠哂PinkPink！除咗係個P圖達人之餘，Andi更竟然係個SM愛好者？
卓林女友愛扮月野兔
Andi睇落同時好似非常鍾意日本文化，除咗影相鐘意走kawaii嘅風格，有時會喺相度見佢有玩cosplay，主要係扮美少女戰士中嘅月野兔！加埋啲P圖嘅效果落啲相度，大家又覺得佢cos得似唔似？
Andi或者太鍾意美少女戰士，所以耐唔耐就會見到佢又扮一扮，有時會孖住朋友一齊影，甚至會拎埋真道具。
超愛P圖變大眼妹
其實，Andi啲相有時都睇到小編覺得好迷惘，因為唔知係佢化妝技術太好，定P圖P得太勁，Andi對眼好似愈睇就愈大，對眼個比例又有啲過咗火位，睇到好亂呀！
愛Cosplay仲愛SM？！
重點嚟啦！Andi除咗應該係個P圖高手外，原來仲係一個SM愛好者！不時仲會公開自己嘅SM系列俾大家欣賞。相中可見，Andi所收藏嘅SM產品種類眾多，而且全部都係粉紅色～
Andi時不時見佢都幾鍾意將呢啲類似SM嘅產品放上身當衣飾咁用。
而Andi連「足錠」嘅產品都有，小編唔知呢款算唔算重口味，但相信唔係人人都啱…
卓林 Andi好恩愛
曾任幼稚園教師的Andi，因幫卓林補習數學而撻著，更一度跟卓林回吳綺莉屋企居住，卓林亦因此同阿媽吳綺莉鬧大交，再次離家出走，最初就搬入Andi在灣仔的寓所同居，之後又曾搬到北角新竇。為養女友，卓林當時任兼職攝影師，月入僅得萬多元，還要靠阿媽畀生活津貼幫補。
卓林慳家養女友
為養女友，當時卓林任兼職攝影師，月入僅得萬多元，日常生活樣樣都要慳住使！早前本刊拍得卓林與Andi一早出發，啃個包做早餐，然後Andi就陪卓林返工！去到中午，二人都只去熟食市場食碗麵，食剩仲要打包拎走！卓林食完麵仲在銀包摷出大堆散銀埋單。
卓林與Andi食了約二十分鐘，就行去附近天橋底傾偈，卓林仲攞煙出嚟食。 兩人有講有笑非常甜蜜，見卓林望住女友笑過不停，熱戀中嘅情侶，真係點玩都咁開心！
吳綺莉 打掃舊居等女
18年前堅持己見生下小龍女卓林後，吳綺莉的生活就一直圍繞住愛女一個人轉，奈何女大女世界，卓林去年出櫃與年齡相差十多歲加籍網紅Andi同居。卓林幾個月前同女友Andi出走加拿大，吳綺莉好友郭秀雲爆料指Andi母親曾越洋致電吳綺莉求生活費，據知苛索每月萬元生活費，據知金額至少超過5萬。
一直啞忍想低調勸女回頭的吳綺莉，當見到卓林拍片放上網，吳既心痛又忍唔住開腔指卓林女友Andi價值觀有問題：「佢30幾歲人，做過老師兼有社會經驗，去引導一個18歲，完全冇經驗嘅年輕人拍片，相信係一個錯誤價值觀。我覺得冇錢生活應該去搵工作，而唔係拍片話畀人知自己冇錢，自己爸爸係邊個！」
雖然去年已搬入2016年一炮過以1,575萬購入的大坑豪宅，但吳綺莉仍手持位於大埔大美篤的三層村屋，即使有人開價千七萬，她亦拒絕放售，據知情者透露：「一來舊居有好多佢同個女嘅開心回憶，二來Elaine話如果卓林返嚟想有私人空間，間屋會留畀個女住，依家卓林唔喺身邊，佢成日都會返舊居打掃，等個女返嚟隨時有得住。」
本刊就發現吳綺莉一個人在住所附近購買貓糧餵飽家中「主子」，平時個人社交網絡亦是離不開畫畫與兩隻愛貓玩耍，以及自種茄子、生菜消磨時間。表面充實又從宗教上找到慰藉，其實吳綺莉仍非常擔心失聯幾個月的卓林，一邊到處求助希望取得聯絡外，一邊帶埋家傭到大埔舊居打掃除草，做定準備等卓林回歸。
Andi 母女夾擊
為愛去到盡的卓林，和女友Andi拍片放上YouTude，罕有公開承認是成龍女兒，更表示自己有創傷後壓力症候群，同Andi已無家可歸一個月，曾報警、去過醫院、食物銀行及慈善機構求助，都冇人理會，完全受女友Andi操控的卓林，行為的確令人擔心！
延伸閱讀：
