又執一間！AK肥仔Jer日式串燒餐廳宣布結業 網民：好唔捨得

人氣男團MIRROR與ERROR人氣爆燈，成功掀起香港久違嘅追星熱潮，成員們除咗歌影視工作不斷之外，亦有發展副業搵真銀，例如創立個人時裝品牌、健身室及進軍餐飲業等等。不過近期佢哋有份投資嘅餐廳連環結業，由AK@MIRROR、Jer@MIRROR及肥仔@ERROR合資嘅日式串燒餐廳喺今日（15日）突然宣布結束營業。

AK@MIRROR、Jer@MIRROR及肥仔@ERROR有份投資嘅日式串燒餐廳「影の鳥Kageno Tori」於2021年底開業，位於尖沙咀亞士厘道，餐廳由日籍沖繩主廚仲泊大阿主理，主打日式串燒及料理。餐廳開業初期成功吸引唔少藝人撐場及鏡粉支持，不過去到今日餐廳喺官方IG出PO宣布結業消息：「感謝大家一直以來的支持，本店已於8月15日結束營業。訂座退款將會陸續安排，不便之處，敬請原諒。再次衷心感謝大家的支持。」唔少網民紛紛留言表示可惜，例如「可惜，成個格局都好好，食物質素都唔錯，無奈租金定生死，有緣再見」、「食過幾次，留下美好的回憶有緣再見」、「之前食過不錯的，想再去都冇機會了」及「好唔捨得」等等。

另外，由Jer@MIRROR、Jeremy@MIRROR及肥仔@ERROR合資嘅日本料理餐廳「幻Maboroshi」開幕僅7個月便於7月31日結業，並陷入拖數風波，有指餐廳拖欠食材費及員工薪酬超過200萬都未找數，仲令到合作公司倒閉兼欠債，不過佢哋就有另一個版本，私底下指自己先係苦主，遇人不淑。而AK@MIRROR同哥哥合資嘅日系甜品店「雪月花」亦已於6月尾突然宣布喺7月1日開始停業，著手進行內部調整及計劃發展方面。咁幾時重新營業？佢哋就話會另行通知。

鏡粉及錯粉唔使擔心，MIRROR及ERROR成員們仲有餐廳繼續營業：

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！