反起跑線聯盟｜梁詠琪相隔15年再拍劇 西班牙籍老公成最強後盾學識做自己

ViuTV新劇《反起跑線聯盟》正熱播，劇集成績理想，首周播出便有平均5.1點收視，成為ViuTV首播周平均收視第二高劇集。今次係主角梁詠琪（Gigi）相隔15年後再次拍劇，於劇內孖著強尼扮演夫婦，以全職媽媽身份陪伴女兒瑤瑤適應幼稚園生活，更與同理念家長決定成立「反起跑線聯盟」，捍衛小朋友嘅愉快學習環境。46歲梁詠琪所唱嘅情歌為人熟悉，由苦情歌唱到正念情歌，佢曾經接受訪問時指，希望樂迷相信總有一天會遇上自己嘅白馬王子；而梁詠琪經過與鄭伊健及其餘兩段情後，終於搵到真命天子，就係宜家嘅西班牙籍老公Sergio。

當年梁詠琪與鄭伊健相戀，被指介入鄭伊健與邵美琪戀情，即使有作出澄清自己係喺佢哋分手後先正式一齊，但亦令梁詠琪形象大跌。及後梁詠琪嘅愛情亦未能成功走到最後；直至2011年，梁詠琪藉演唱會後兩個星期空檔到西班牙旅行，透過朋友介紹認識到Sergio，二人一拍即合。惟當時梁詠琪無表明自己歌手與演員身分，只係同對方講自己係模特兒，直至Sergio從待應口中得知梁詠琪係位當紅藝人，佢表示尊重梁詠琪，因為自己只喜歡梁詠琪嘅為人，最後譜寫出一段遠距離戀愛。

相戀6個月後，Sergio於西班牙向梁詠琪求婚，梁詠琪指從未遇到一個咁善良簡單，而且咁了解佢嘅人，於是答應對方嘅求婚。Sergio亦為咗梁詠琪到港定居；梁詠琪就曾指出自己可以話係對Sergio一見鍾情，直言對方係自己最強後盾，令自己放低好多執着，學識做返自己；至於梁詠琪囡囡Sofia就遺傳父母優良基因，即使梁詠琪生下女兒後就將重心放於家庭，但佢就曾經表示，自己已搵到人生最重要嘅嘢，其他一切都唔再重要。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！